सारिकाको ‘कान्छी मट्याङ ट्याङ’

सानो पर्दामा कमेडीका माध्यमबाट चर्चा बटुलेका पुरन थापा अब चलचित्रको निर्देशक बनेका छन् । उनले निर्देशन गरेको चलचित्र ‘कान्छी मट्याङ ट्याङ’ शुक्रबारबाट हलमा लाग्दैछ ।

सानैबाट नायिका बन्ने सपना बोकेर काठमाण्डौ  छिरेकी सारिका केसी चलचित्रको शिर्ष भूमिकामा छिन् । उनलाई जयकिशन बस्नेतले साथ दिएका छन् । कमेडी कथामा बनेको यो चलचित्रले दर्शकलाई २ घन्टा भरपुर मनोरञ्जन दिने पुरनको तर्क छ ।

यही चलचित्रको व्यापारले आफ्नो करिअरलाई महत्वपुर्ण असर पार्ने नव–कलाकार सारिकाको तर्क छ । चलचित्रमा सारिकाले बाँझी महिलाको भूमिका निर्वाहा गरेकी छिन् । चलचित्रमा उनी र जयकिशन मिलेर दर्शकलाई हसाँउने छन् ।

पौष २६ गतेबाट हलमा लाग्ने चलचित्रले निर्देशक र नव–कलाकार सारिकाको भविष्य निक्र्यौल गर्नेछ ।