एयर एसियाको बिमान समुद्रको फेदमा भेटियो

काठमाडौं, पुस १४ – हराइरहेको एयर एसिया इन्डोनेसियाको क्युजेड ८५०१ बिमान सम्भवतः समुद्रको फेदमा रहेको इन्डोनेसियाको खोजी र उद्दार गरिरहेको एजेन्सीले बताएको छ ।  

बिबिसीका अनुसार प्लेनले सम्पर्क गुमाएको ठाउँको काओर्डिनेटस्का आधारमा यस्तो अनुमान गरिएको हो ।   यद्यपि, खोजकर्ताहरुलाई अझै कहाँ छ भन्ने यकिन नभएको र यसका लागि पानी मुनी खोजी गर्न अन्य देशको सहयोग आवश्यक रहेको बताएका छन् ।  

१ सय ६२ जना यात्रुसहित हराइरहेको प्लेनको आज पनि खोजी कार्य जारी रहेपनि केही फेला पर्न सकेको छैन ।   एयर बस ए ३२०–२०० मोडलको उक्त जहाज इन्डोनेसियाबाट सिंगापुरतर्फ उडेको थियो ।   हराउनअघि बिमानले खराब मौसमका कारण आफ्नो निर्धारित रुट परिवर्तन गर्नका लागि आग्रह गरेको थियो ।