गौहर खानले नै आफूलाई थप्पड हान्न भनेकी यूवकको खुलासा

‘बीग बोस ७’ कि विजेता गौहर खानलाई केही दिन अघि अर्धनग्न कपडा लगाएको भन्दै एक यूवकले थप्पड हानेका थिए । अकिल मलिक नाम गरेका यूवकले गौहरलाई मुस्लिम भएर छोटा कपडा लगाएको भन्दै थप्पड हानेपछि यसले हंगामा मच्चिएको थियो ।

तर, अब यो घटनामा एउटा नयाँ खुलासा भएको छ । अकिल नाम गरेका यूवकलाई गौहर खानले नै आफूलाई थप्पड हान्न भनेकी थिइन् । अकिल एक जुनियर कलाकार हुन् । प्रचारका लागि गौहरले यस्तो भनेको उनले प्रहरीसँगको बयानमा भनेका छन् ।

गौहरले स्टेजमा पुगेर आफूलाई थप्पड हानेको खण्डमा अकिललाई सलमान खानको ‘दबंग ३’ मा काम मिलाइदिने समेत आश्वासन दिएकी थिइन् ।

रियालिटी शो ‘इन्डियाज रक स्टार’को छायांकनका क्रममा मोडल तथा कलाकार गौहर खानलाई एक दर्शकले थप्पड हानेका थिए । चर्चाका लागि आफैलाई पिट्न लगाउने गौहरको यो तरिका अब उनलाई नै भारी पर्ने देखिएको छ ।