प्रचण्डकी नातिनी स्मिताको दोश्रो एल्बम ‘स्मिता २’को बिमोचन

आफ्नी नातिनी स्मिता दाहालको दोश्रो एल्बम ‘स्मिता २’को बिमोचन गर्न पुगेका एकिकृत नेकपा माओवादीका अध्यक्ष पुष्पकमल दाहाल ‘प्रचण्ड’का आँखा एकाएक रसाए । नातिनीलाई शुभकामना दिदै गर्दा दाहालले जनयुद्धमा आफूले ‘हाँस्दा हाँस्दै रोएको र रुँदा रुँदै हाँसेको’ भनाई राखेको संझदै आजको माहोल पनि यस्तै रहेको बताए ।

केही समयअघि  निधन भएकी प्रचण्डकी छोरी ज्ञानु दाहाललाई समर्पित गर्दै स्मिताले एल्बम बजारमा ल्याएकी थिइन् । यसैले पनि प्रचण्ड र उनकी पत्नी सिता दाहाल बारम्बार भक्कानिए । प्रचण्डले आफू गाली र ताली दुबै पाउँने क्षेत्रमा रहेको बताउँदै भने-‘ नातिनी स्मिता ताली मात्र पाउँने क्षेत्रमा छिन् । यसैले चाडै नै प्रचण्डकी नातिनीबाट उनको परिचय गायिकामा बदलिनेछ ।’
राजनीति र संगीतको समन्वय निक्कै भएको भन्दै प्रचण्डले नातिनी स्मितामा सानैबाट गाउने क्षमता भएको बताए । उनले आफू भन्दा पनि धर्मपत्नी सिता दाहाल निक्कै राम्रो गायिका भएको बताउँदा कार्यक्रम हल हाँसोले गुञ्जिएको थियो ।

एल्बम बिमोचन समारोहमा नेकपा माओवादीका अध्यक्ष मोहन वैद्य, नेकपा एमालेका बरिष्ठ नेता माधवकुमार नेपाल, एकिकृत नेकपा माओवादीका उपाध्यक्षद्धय डाक्टर बाबुराम भट्टराई र नारायणकाजी श्रेष्ठ, नेपाली कांग्रेसका महामन्त्री कृष्णप्रसाद सिटौला सहभागी थिए ।
कार्यक्रममा बोल्दै एकिकृत नेकपा माओवादीका नेता मोहन वैद्यले स्मिताको गीतमा प्रगतीशिल गीत पनि सुन्न पाउँने आशा राखे । उनले स्मिताको जन्म जनयुद्धको थलोबाट भएको भन्दै पार्टीलाई अगाडि बढाउन प्रगतीशिल गीतको महत्वपूर्ण भूमिका रहेको बताए ।

नेकपा एमालेका नेता माधवकुमार नेपालले कार्यक्रममा रमाइलो गर्दै भने-‘प्रचण्डजी यसै त मख्ख पर्ने मान्छे, झन् नातिनीको एल्बम बजारमा आउँदा झनै मख्ख पर्नु भएको छ ।’ उनले नेपालमा थुप्रै बालप्रतिभाहरु भएपनि राज्यले चिन्न नसकेको स्विकार गरे ।
नेपाली कांग्रेसका महामन्त्री कृष्णप्रसाद सिटौलाले सबै प्रतिभाहरुलाई आफूहरुले सहयोग गर्न पाउँ भन्दै स्मितालाई शुभकामना दिए । कार्यक्रममा नेता डाक्टर बाबुराम भट्टराई भने अर्को कार्यक्रममा जानुछ भन्दै मन्तव्य नराखी हिडेका  थिए ।

स्मिताको ‘स्मिता २’ एल्बममा ५ वटा गीत समावेश छन् । डाक्टर कृष्णहरी बराल, डाक्टर भोला रिजाल, आनन्द अधिकारी, चेतन सापकोटा, रेमशराज भट्टराइको एल्बमका गीतमा शब्द छ । एल्बममा समावेश गीतमा सुरेश गैरे, बसन्त सापकोटा, शिखर सन्तोष, चेतन सापकोटा र रमेशराज भट्टराइले संगीत भरेका छन् । कार्यक्रममा गायिका दाहालले २ वटा गीत प्रत्यक्ष गाएर सुनाएकी थिइन् । यो एल्बममा ‘बिगार्दैन कसैको केही’, ‘आँखा किन झुक्न थाल्यो’, ‘दिलको आँखीझ्याल’, ‘पराइको भयौ तिमी’, ‘पि्रय तिम्रो हृदयमा’ बोलका गीतहरु छन् ।

कार्यक्रममा एकिकृत नेकपा माओवादीकी नेत्री हिसिला यमी, नेता अग्नी सापकोटा, गीतकार डाक्टर कृष्णहरी बराल, नायक भूवन केसी, गायक दिप श्रेष्ठ, गायिका कुन्ती मोक्तान, गायक रामकृष्ण ढकालको उपस्थिती थियो । गायक रामकृष्ण ढकालले स्मिताको स्वरबाट आफू प्रभावित भएको भन्दै उनीसँग यूगल गीत गाउने बताए । यस्तै, नायक भूवन केसीले स्मितालाई चलचित्रमा गीत गाउन आग्रह गरे । भाइव्यस क्रियशनले बजारमा ल्याएको एल्बममा समावेश एक गीतको म्यूजिक भिडियो पनि कार्यक्रममा सार्वजनिक गरियो ।

Read More

मेरो नांगो तस्वीरलाई तारिफ गर्नुस्

सार्वजनिक जिवन भएका राजनीतिक नेताहरुले आफ्ना अश्लील तस्वीरहरु सार्वजनिक हुँदा त लाज मानेर माफी माग्नुपर्ने हो । तर एक जना महिला नेतृले भने आफ्ना निर्वस्त्र तस्वीरको आलोचना गर्नेहरुलाई शाब्दिक झापड हान्दै ती नांगा तस्वीरहरु कुनै लज्जाको विषय नभै ती सुन्दर कलाकारिता भएको र त्यस्तो कलाकारिताका लागि आफुलाई तारिफ गरिनुपर्ने बताएकी छिन् ।

आइक्लाउड अकाउण्ट ह्याक भएसँगै आफ्ना केही निर्वस्त्र तथा केही कामूक तस्वीर ह्याकरले इन्टरनेटमा सार्वजनिक गरिदिएपछि युक्रेनकी युवा नेतृ ओल्गा ल्युलचाकलाई ठूलै आपत पर्ने ठानिएको थियो ।
युक्रेनमा ती नेतृका त्यस्ता नांगा तस्वीरको कडा आलोचना भएको थियो । तर त्यसलाई हल्का रुपमा लिँदै ३० वर्षीया ओल्गा जो अक्टोबरमा हुने संसदीय चुनावमा समेत उठ्दैछिन् उनले ती तस्वीरलाई कलाको रुपमा लिनुपर्ने बताएकी हुन् ।

‘विश्वले भान गोह, टाइटियान लगायतका महान कलाकारको कलाकारितालाई सम्मान गर्छ । उनीहरुले सिर्जना गर्ने नग्न सौन्दर्यको तारिफ गरिन्छ ।’ उनले अगाडि भनेकी छिन्, ‘अहिलेको युगमा निर्वस्त्र देखिने महिलालाई अश्लील तथा लाजमर्दो ठानिन्छ । तर मैले यो कुरा बुझ्न सक्दिन । म ठान्छु यस्तो निर्वस्त्रपना भनेको शुद्ध कला हो ।

Read More

कोइराला ओबामासँग

संयुक्त राष्ट्रसंघको महासभामा भाग लिन अमेरिका पुगेका प्रधानमन्त्री सुशील कोइराला अमेरिकी राष्ट्रपति बराक ओबामासँग संक्षिप्त भेट गर्दै । 

Read More

मानसिक तथा शारीरिक तन्दुरुस्ती कसरी रहने जानी राखौं ।

महिला पुरुष सबैमा बाहिरी व्यक्तित्वले महत्त्वपूर्ण भूमिका खेल्छ, जसको व्यक्तित्व प्रभावशाली हुन्छ ऊ जहाँतहीं अगाडि रहन्छ। हिजोआज मानिसको व्यक्तित्व जीवनका अन्य महत्वपूर्ण तत्वसरह भैसकेको छ। व्यक्तित्वमा निखार ल्याउनु सबैको चाहना पनि हो।

व्यस्त जीवनशैलीले मानिसलाई शारीरिक मात्र होइन मानसिक रूपमा पनि थकित बनाउँछ। जबसम्म व्यक्ति मानसिक रूपमा स्फुर्त हुन सक्दैन तबसम्म शारीरिक रूपमा स्फुर्त बन्न सक्दैन, जब मानिस भित्रैबाट स्वस्थ हुन्छ त्यो प्रभाव उसको व्यक्तित्वमा सहजै झल्कन्छ। त्यसका लागि  स्पा सशक्त माध्यम हो। स्पाले व्यस्त जीवनशैलीका कारण थकित भएकाहरूलाई आराम प्रदान गर्छ। आजभोलि काठमाडांैमा विभिन्न स्तरका स्पा खुलेका छन् जहाँ अनेकथरीका पद्धति अवलम्बन गरिन्छ। स्पामा गरिने थेरापीले मानिसलाई फुर्तिलो मात्र बनाउँदैन यसबाट विभिन्न रोगको पनि उपचार हुन्छ। नेपालमा फाइभ स्टार स्तरका स्पा पनि खुलेका छन्। स्पाले शरीरमा रहेका अनावश्यक टक्सिन तथा बोसो पगाल्ने काम पनि गर्छ। स्पा मात्र होइन नेपालमा स्लिमिङ तथा कस्मेटिक सर्जरी गर्ने थलोका रूपमा पनि विकास हुन थालेको छ। यस्ता संस्थाहरूले शरीरमा देखिएको मोटोपन कम गरी शरीरलाई गठित बनाउने काम गर्छन्। यस्ता स्लिमिङ संस्थाहरूमा प्याकेजका हिसाबले सेवा प्रदान गरिन्छ। यस्ता संस्थाहरूले नयाँ-नयाँ प्रविधि भित्र्याएर साइड इफेक्ट नहुने किसिमले उपचार गर्छन्।

हेल्दी होम 

केही वर्षदेखि सञ्चालनमा रहेको हेल्दी होमले आफ्नो गुणस्तरीय सेवाका कारण लोकप्रियता हासिल गरिसकेको छ। यहाँ दक्ष जनशक्तिको सुपरभिजनमा उपचार गरिन्छ। यसका शाखा बागबजार तथा बानेश्वरमा छन्। बानेश्वर यसको प्रिमियम शाखा हो। यहाँ स्लिमिङ, बडी टोनिङ, बडी मसाज तथा सौन्दर्य उपचारसम्बन्धी अन्य सेवा पनि प्रदान गरिन्छ। यहाँ तालिमप्राप्त प्रशिक्षकले वेट लेससम्बन्धी परामर्श पनि प्रदान गर्छन्। यहाँ प्रयोग गरिने उपकरण आइएसओ प्रमाणित छन्। ती उपकरणहरू जर्मन तथा अमेरिकाबाट आयात गरिएका हुन्। यहाँ नर्मल खानपानमा बिना कुनै साइडइफेक्ट, बिना कुनै शल्यक्रिया तथा औषधिको प्रयोगबिनै शरीरको अनावश्यक मोटोपन कम गरिन्छ।


शरीरमा भएको बोसोलाई अल्ट्रासोनिक तथा अन्य प्रविधिबाट मसाज गरी पगालेर शरीरको तौल घटाइनुका साथै हिप, पिंडुला, थाइ, पेट तथा हातको सेप मिलाउनुका साथै शरीरमा भएका अनावश्यक रौं सदाका लागि हटाइन्छ। यो फिजिकल हेल्थ तथा सौन्दर्यका लागि उपयुक्त गन्तव्य हो। यहाँ हर्बल, आयुर्वेदिक, एक्युप्रेसर, फिजियोथेरापी तथा म्याग्नेटिक थेरापीद्वारा उपचार गरिन्छ। यहाँ सौन्दर्य प्रसाधनहरू पनि उपलब्ध छन्। यहाँ विश्वमै ख्याति कमाएका वेटवस तथा बडीसेपका उपकरण जडान गरिएको छ। यहाँको उपचारले मानिसहरूको शतप्रतिशत समस्या समाधान गरेको दाबी गरिन्छ। यो सेन्टर बिहान साढे ७ देखि बेलुका साढे ७ बजेसम्म सञ्चालनमा रहन्छ। यहाँ फरक-फरक समस्याका लागि फरक-फरक प्रविधि प्रयोगमा ल्याइन्छ। यहाँ मेम्बरसीप तथा प्याकेजको सुविधा उपलब्ध हुन्छ।

Read More

प्रधानमन्त्री सुशील कोइरालाको बनारस-साइनो

वि सं २०१७ मा राजा महेन्द्रले बीपी कोइरालाको प्रजातान्त्रिक सरकार अपदस्थ गर्दा त्यसका सूत्रधारमध्ये एक तुलसी गिरीका निजी सहायक थिए, हालका प्रधानमन्त्री सुशील कोइराला। गिरीलाई पहिले लागेको रहेछ, आफ्नो सहायक भएका कारण सुशीलले  गतिलै साथ देलान्। त्यसैले मन्त्रीलगायत नेपाली कांग्रेसका प्रभावशाली नेता-कार्यकर्ता थुनिँदा पनि सुशील जोगिन सफल भए।

त्यतिबेला सुशीलसमक्ष दुईवटा विकल्प थिए, गिरीकै सहायक बनेर सुखको जीवन व्यतीत गर्ने वा विरोध गर्दै जेल जाने। उनले दोस्रो विकल्प रोजे। तर, रमाइलो कुरा, उनी पञ्चायती सरकारको फेला परेनन्। भएको के रहेछ भने भारतबाट छापिने अंग्रेजी  अखबार हिन्दुस्तान स्ट्यान्डका रपिोर्टर कुमार काठमाडौँमा बस्थे। दार्जीलिङे यी रपिोर्टर कांग्रेसको राजनीतिबाट यति प्रभावित थिए कि उनैले सुशीललाई सुटुक्क कोलकाता भगाउन सहयोग गरे।

भारत बस्दा सुशीलको काँधमा बीपी परविारको रेखदेख मात्र होइन, बीपीका छोरा-छोरी पढाउने चुनौती पनि थपियो। त्यसैले उनले भारतका समाजवादी नेता तथा बीपी कोइरालाका मित्र जयप्रकाश नारायण (जेपी)सँग गुहार लगाए। पछि जेपीकै पत्रका आधारमा  उनले बनारसको गान्धी इन्स्िटच्युटमा जागिर पाए।

"सुशील दा एक किसिमले बीपीको पारविारकि गार्जेन पनि हो," बनारसको मामुरगन्जस्थित निरालानगर कोलोनीमा बीपीका छिमेकी सुरेन्द्रप्रताप सिंह भन्छन्। सुशील गत २७ माघमा चौथो कोइराला (मातृका, बीपी, गिरिजा)का रूपमा प्रधानमन्त्री नियुक्त भएपछि  बनारसमा उनलाई चिन्नेहरूको कौतूहल बढ्न थालेको छ। यसमा पनि धेरैले बनारस र कांग्रेसबीचको 'अनौठो सम्बन्ध' अझ प्रगाढ हुने विश्वास गरेका छन्।

कोइराला परिवार, त्यसमा पनि विशेषतः बीपीका कारण बनारसमा अहिले पनि नेपाली कांग्रेसलाई स्थानीयस्तरमा माया गर्नेको जमात ठूलो छ। "बीचमा माओवादी तथा अरू कम्युनिस्टले संगठन गर्न खोजेका थिए। तर, स्थानीयस्तरमा कांग्रेसको यति ठूलो प्रभाव  थियो कि उनीहरूले संगठन विस्तार गर्नै सकेनन्," बनारस हिन्दु विश्वविद्यालय (बीएचयू)मा नेपाली भाषा विभागका अध्यक्ष दिवाकर प्रधान भन्छन्।

बीपी प्रवासमा हुँदा सुशील उनका सेक्रेटरी थिए। "नेपालबाट आउने कांग्रेसी कार्यकर्तालाई भेटाउनेदेखि उनीहरूको बस्ने-खाने सबै व्यवस्था सुशीलकै जिम्मामा थियो," ८१ वर्षीय दीनानाथ झुनझुनवाला सम्झन्छन्। ०२५ सालमा सुन्दरीजल जेलबाट छुटेपछि  भारतमा निर्वासित जीवन बिताउने क्रममा बीपीको परविार सुरुमा मोतीझिलमा बसेको थियो। त्यतिबेला बीपीलाई मार्ने असफल प्रयास भएपछि सुरक्षाका दृष्टिकोणले बीपी सारनाथस्थित झुनझुनवालाको घरमा सरेका थिए। सन् १९६८ देखि ७४ सम्म ६ वर्ष  सारनाथमा बस्दा सुशीलको स्थानीय युवासँग बाक्लो हिमचिम थियो।

साउनको दोस्रो साता भारतीय प्रधानमन्त्री नरेन्द्र मोदी नेपाल भ्रमणमा जाँदा टेलिभिजनबाट सुशीललाई देखेका स्थानीय त्रिपुरारी त्रिपाठी अचम्म परेछन्। अहिले अन्तर्राष्ट्रियस्तरमा आफ्नो सोखिन पहिरनका कारण चर्चा बटुलिरहेका भारतीय प्रधानमन्त्री मो दीका अगाडि सुशीलको 'गेट-अप' देखेर त्रिपाठीलाई उराठ लागेछ। भने, "कस्तो सुकुमार ठिटो, टिपटप भएर हिँड्ने ! अहिले निकै बूढो पो देखिए।" उनलाई चित्तै बुझेन। व्यग्र भएर प्रश्न गरे, "के झुस्स दारी बनाएको?" सुशीलकै संगतले उनी कांग्रेसको  राजनीतितर्फ आकषिर्त भएका रहेछन्।

सारनाथ गौतम बुद्धले पहिलो प्रवचन दिएको स्थानका रूपमा त्यसै पनि संसारभरि चर्चित छ। त्यसमा पनि '७० को दशकको सुरुआतसँगै बौद्ध धर्मगुरु दलाई लामा आफ्नो गेस्ट हाउस बनाएर सारनाथमा बस्न थालेपछि यहाँ बौद्धधर्मालम्वीको उपस्थिति बाक्लिन  पुग्यो। त्रिपाठीको तर्क छ, "बीपीको आगमनसँगै यहाँको गतिविधि ह्वात्तै बढ्न पुग्यो।"

त्यतिबेला सारनाथमा पाण्डेको एउटा सानो चिया पसल थियो, जहाँ कांग्रेसी कार्यकर्ता घन्टौँ गफिन्थे। "पञ्चायतकालमा सरोज कोइरालाको हत्या हुँदा यही चिया दोकानमा अखबार हेरेर हामीले थाहा पायौँ," उत्तर प्रदेश सिँचाइ आयोगका यी ७० वर्षीय पूर्वकमर् चारीले भने, "अखबार र रेडियोमा आएका समाचारलाई लिएर कुरा हुन्थे।" उनी सुशीलसँग बौद्ध धर्म, नेपाली र तिब्बतीहरूको सम्बन्ध, दलाई लामाको निर्वासन र इन्दिरा गान्धीका विषयमा कुरा हुने बताउँछन्।

सारनाथ बस्दा सुशीलको 'गेट-अप' देखेर त्यहाँका स्थानीय निकै प्रभावित भएका रहेछन्। 'निकै टिपटप भएर हिँड्ने। कपडाको पाइन्ट आइरन गरेर धारलिो बनाइएको हुन्थ्यो," सारनाथस्थित वैशाली होटल (पहिले पाण्डे चिया पसल)का मालिक बद्रीनाथ पाण्डे  भन्छन्। ८२ वर्षीय पाण्डे सुशीलको हिन्दी निकै राम्रो भएको बताउँछन्।

बनारस हिन्दु विश्वविद्यालयमा स्नातक गर्दा सुशीललाई हलिउडको 'हिरो' बन्ने भूत सवार थियो। त्यतिबेला उनी सबै खाले आधुनिक पहिरनका जानकार थिए। त्यसमा पनि उनको पान-सुपारीको किस्सा यहाँ अझैसम्म चर्चाको विषय बन्ने गरेको छ। "ओहो उहाँ  (सुशील)सँग भेट भएपिच्छे पान र सुपारी जमिहाल्थ्यो," त्रिपाठी सम्झन्छन्।

नेपाली कांग्रेसले सशस्त्र आन्दोलनको तयारी गर्दा भारतका समाजवादी नेता तथा विधायक सर्जु मिश्राको पटनास्थित लेन नम्बर-४ को एमएलए क्वार्टरलाई आफ्नो सम्पर्क स्थान बनाएको थियो। त्यतिबेला बीपीकै निर्देशनमा सुशील पटना खटिएका थिए। हतियार  किन्न कांग्रेसले ०३० सालमा विमान अपहरण गर्‍यो। यो काण्डमा उनी पनि मुछिए।

यसपछि भारतमा कांग्रेसी कार्यकर्तामाथि धडपकड सुरु भयो। बीपीलाई पनि भारतीय सरकारले कडा निगरानीमा राख्न थाल्यो। "मलाई लाग्छ, बीपी पक्राउ पर्ने डरले मामुरगन्जस्थित डेरामा भएका केही हतियार सुशील दाले गंगामा फ्याँकिदिनुभयो," सुरेन्द्रप्रताप  भन्छन्।

सुशील ०३३ सालमा दिल्लीमा पक्राउ परे। "उहाँलाई ठूलै अपराधीझँ तिहाड जेलमा हात र खुट्टामा जन्जिर बाँधेर राखिएको थियो। पछि पूणिर्या जेलमा स्थानान्तरण गरयिो," उनी थप्छन्। पूणिर्या जेलमै हुँदा सुशीलको भेट विहारका पूर्वमुख्यमन्त्री नीतिश कुमारसँग  भएको थियो।

बीपी मेलमिलापको नीति लिएर नेपाल फर्किएपछि नीतिशले ०३६ सालमा भारत सरकारसँग सुशीलको रिहाइको अपिल गरे। त्यतिबेला विहारमा बीपीकै अनुयायी भनेर चिनिने अर्का समाजवादी नेता कर्पुरी ठाकुर मुख्यमन्त्री थिए। त्यसैले सुशीललगायत अन्य  कांग्रेसीको रहिाइ सम्भव भयो।

बनारसवासीहरू सुशीललाई बीपीको सच्चा अनुयायी मान्छन्। त्यसैले आशावादी छन्, उनकै नेतृत्वमा 'गणतन्त्र नेपाल'को संविधान कोरनिेछ। सुशील कोइराला प्रधानमन्त्री नियुक्त भएपछि वरिष्ठ गान्धीवादी विचारक तथा बीएचयूका प्राध्यापक दीपक मल्लिकले  राँचीबाट प्रकाशित हुने दैनिक पत्रिका प्रभात खबरमा 'नेपाली जनतन्त्रमा नयाँ आशा' शीर्षकमा एक पृष्ठ लामो लेख प्रकाशित गरेका थिए। भन्छन्, "यसले भारतमा सकारात्मक सन्देश नै गएको छ। तर, उहाँको मूल्यांकन संविधान बन्ने कुराले नै निर्धारण गर्नेछ ।

Read More

गंगामायालाई बचाउने प्रयासमा छौं : चिकित्सक

काठमाडौं, आश्विन ८ - वीर अस्पतालको पुरानो आइसीयु कक्षको बेड नम्बर १८ मा पुग्दा गोरखाकी गंगामाया अधिकारी बेडमा लडिरहेकी थिइन् । ११ महिनादेखि अन्नपानी नखाइ अनसन बसेकी ५३ वर्षीया गंगामायाको शरीरमा हाड र छाला मात्र बाँकी छ ।  शरीरमा चोली अडिने समेत ठाउँ थिएन । पहेलो शरीर, सेतै फुलेको कपाल र वर्ष दिन देखि नकाटेका हात खुट्टाका नङ उनैलाई बोझ भइरहेको होला भन्ने भान हुन्थ्यो ।

सोमबार मृत्यु भएका पति नन्दप्रसादको शोकमा डुबेकी उनलाई मानव अधिकारकर्मीर्हरुले पानी खुवाउने प्रयास गरिरहेका थिए । उनलाई खुवाउन अझैपनि सहज थिएन । नबुझिने आवाजमा उनी पानीको गिलास धकेल्दै चिच्याइरहेकी थिइन् । पति नन्दलालसँगै ३ सय ३५ दिन देखि वीर अस्पतालमा अनसन बसिरहेकी छिन् । १७ वर्षे छोरा कृष्णप्रसादलाई  ०६१ सालमा माओवादीले अपहरण गरी हत्या गरेको घटनाका दोषीलाई कारवाहीको माग गर्दै गोरखा फुजेलका यी दम्पत्ती अनसन बसेका थिए । अस्पतालको बेड नम्बर १७ र १८ मा झण्डै वर्षदिनदेखि अनसन बसिरहेका यी दम्पत्तीको हेरचाह गर्ने कोही छैन । यसै बिचमा सोमबार नन्दप्रसादको मृत्यु भएको हो ।

मृतक नन्दप्रसादको शव बुझ्न समेत कोही आफन्त र परिवारजन नआएको भन्दै सरकारले शव बुझिदिन आग्रह गरिरहेको छ । अधिकारी दम्पत्तीका जेठा छोरा नुरप्रसाद  बाबुको शव नबुझ्ने भन्दै पन्छिएका छन् ।

'मृत्यु भइसकेको व्यक्तिको विषयमा विवाद गर्नुभन्दा हामीले गंगामायाको जीवन रक्षा गर्नु आवश्यक छ,' वीर अस्पतालमा गंगामायालाई अनसन तोडाउने प्रयास गरिरहेका प्रधानमन्त्री कार्यालयका उपसचिब बिनोद गौतमले भने, 'यसका लागि निरन्तर प्रयत्न गरिरहेका छौं ।,'

उनका अनुसार नन्दप्रसादको मृत्यु हुनु अघि श्रीमानको दवावका कारण गंगामायाले खाना खान मानेकी थिइनन् । त्यसताका हामीले छुट्टाछुट्टै अस्पतालमा राखेर उपचार गराउने प्रयास गरेका थियौं । 'गंगामायाले म 'बा' बाट छुटिएर बस्दिन भनेकाले बेग्लै राखेर उपचार गर्न सकिएन' उनले भने, 'अब उहाँको उपचार गर्न र खाना खुवाउन केही सहज होला कि ।'

गंगामायाको जीवन रक्षा गर्न र न्याय दिलाउन सरकारले सक्दो प्रयास गरिरहेको उनले जानकारी दिए । श्रीमान अन्तिम अवस्थामा पुगेका बेला उनी आफ्नो बेडबाट तल झरी  श्रीमानको बेडसम्म पुगेर सुम्सुम्याएकी थिइन् रे ।

उपसचिब गौतमका अनुसार सरकारका तर्फबाट ०७० चैत ३० मा ज्यानमार्ने अभियोगमा मुद्धा दर्ता गरिएको छ । अदालतमा बिचाराधिन मुद्धामा सरकारले केही गर्न नसक्ने अवस्था छ । प्रहरीको अनुसन्धान बाट पत्ता लागेका रुद्र आचार्य भन्ने अभियुक्त बेलायतमा बसेकेा पत्ता लागेपनि बेलायतसंग नेपालको सुपुर्दगी सन्धि नभएका कारण बेलायत  रुद्र आचार्यलाई फर्काउन वाध्य छैन । क्षेत्रधिकार भन्दा बाहिरको विषय भएकाले पनि रुद्र आचार्यलाई नेपाल झिकाउन नसकिएको हो ।

उनीहरुले किटानी जाहेरी दिएका आठ जनालाई प्रहरीले पक्राउ गरेको थियो । त्यस समयमा माओवादी बाट आफ्ना कार्यकर्ता पक्राउ परेको भन्दै चर्को दबाब र बिरोध भयो ।

तत्कालै अभियुक्तहरु धरौटीमा छुटे । गोराखाकै घरमा गएर बसेपनि सुरक्षा दिन्छौ, क्षतिपुर्ति दिन्छौ सबै जिम्मा लिन्छौ भनेर सरकारबाट निर्णय भइसकेको छ । 'सरकारका तर्फबाट यति भइरहदा समेत अनसन तोड्न नमानेकाले गर्दा नन्दप्रसादले ज्यान गुमाउनु पर्‍यो,' उनले भने ।

नन्दप्रसादको शवलाई शिक्षण अस्पतालमा राखिएको छ । तीन दिनसम्म परिवार र आफन्तबाट शव बुझ्न नआएपछि सरकारले शव बुझिदिन आग्रह गरेको हो ।

अर्कोतिर वीर अस्पतालमा गंगामाया एक्लै लडिरहेकी छिन् । पतिको मृत्युको शोकमा डुवेकी एक्ली महिलालाई भेट्न समेत कोही नआएको अस्पतालमा खटिएका सुरक्षाकर्मीले जानकारी दिए ।

बुधबार गंगामायालाई भेट्न प्रधानमन्त्री कार्यालयकी अधिकृत सुमना अर्याल, मानब अधिकार आयोगकी अधिकृत नितु गड्तौला, अधिकारकर्मी सुदिप पाठक, , रसना ढकाल लगायत अस्पताल पुगेका थिए ।

वीर अस्पतालका निर्देशक स्वयमप्रकाश पण्डितसंग मानव अधिकारकर्मीले छलफल गरेका थिए । त्यस क्रममा गंगामायाको स्वास्थ्य अवस्था कमजोर भएपनि स्लाइन र टिपीएन (सम्पूर्ण खाद्य पदार्थको झोल) शरीरमा गइरहेका कारण आत्तिनु नपर्ने निर्देशक पण्डितले बताए ।

यसैबिच संयुक्त राष्ट्रसंघिय मानब अधिकार उच्च आयुक्तको कार्यालयले प्रेस विज्ञप्ती जारी गरी नन्दप्रसादको मृत्युको घटनामा दुखित भएको जनाएको छ । कार्यालयका एसिया मालिला प्रमुख रोरी मुंगोभेनले कृष्णप्रसादको मृत्युको घटनाबारे बिस्तृत छानबीन गर्नुपर्ने बताएका छन् । 'हरेक घटनाको गहिरो अध्ययन हुनुपर्छ,' प्रेस विज्ञप्तीमा उनले भनेका छन्, 'कुनै पनि राजनीतिक संरक्षण बिना घटनाको अनुसन्धान गर्नुपर्छ । र गंगामायाको स्वास्थ्य उपचार र जीवन रक्षाका लागि सरकारले संरक्षण गर्नुपर्छ ।'

एमनेस्टी इन्टरनेसनल, राष्ट्रिय प्रजातन्त्र पार्टी, ब्रहृमाण्डीय सनातन धर्म महासभाले बिज्ञप्ती जारी गरी गंगामायाको जीवन रक्षाको पहल गर्न आग्रह गरेका छन् ।

Read More

पूर्वी क्षेत्रमा साइबर अपराध बढ्यो

मोरङ, आश्विन ७ - पूर्वी क्षेत्रमा पछिल्लो समय 'साइबर अपराध' निकै बढ्दै गएको छ । नयाँ प्रविधि विकाससँगै सामाजिक सञ्जालहरूको पहुँच सहज बन्न थालेपछि यो पनि बढेको हो ।

साइबर अपराध बढे पनि जिल्लास्तरमा प्रहरीसित यसको अनुसन्धान गर्ने दक्ष जनशक्ति र उपकरण अभाव छ । यस्तै, काठमाडौं जिल्ला प्रहरी कार्यालयमार्फत काठमाडौ जिल्ला अदालतमा मात्र मुद्दा चलाउने ब्यबस्थाका कारण मुद्दाको प्रक्रिया खर्चिलो र झन्झटिलो बन्दै गएको छ । साइबर अपराधसम्बन्धी मुद्दा झन्झटिलो भएका कारण धेरै घटना सार्वजनिक नहुने गरेको हो ।

संख्यात्मक रूपमा पूर्वाञ्चलमा आव ०६८/६९ मा उदयपुरबाट मात्र एउटा मुद्दा दर्ता भएको थियो । त्यस्तै ०६९/७० मा मोरङ प्रहरीमार्फत काठमाडौं प्रहरीले एउटा मुद्दामात्र चलाएको थियो । तर गत आवमा उदयपुर, मोरङ र सप्तरीबाट १-१ वटा चलाइएको क्षेत्रीय प्रहरी कार्यालय विराटनगरले जनाएको छ ।

यस्तै, चालू वर्षको अहिलेसम्म मोरङबाट विद्युतीय कारोबार ऐनअन्तर्गत एउटा मुद्दा चलाएको छ । सप्तरीका अब्दुल रहमानले प्रहरीको विषयमा फेसबुकमा गरेको कमेन्टपछि दायर विद्युतीय कारोबार ऐनसम्बन्धी मुद्दाले चर्चा पाएको थियो ।

पूर्वाञ्चलका प्रहरी प्रमुख डीआईजी नवराज सिलवालले फेसबुक, ट्विटरलगायत सामाजिक सञ्जाल प्रयोगको विस्तारसँगै साइबर अपराध बढ्दै गएको बताए । उनले बढ्दो सामाजिक सञ्जालको प्रयोग, बैंकिङ कारोबारमा रकम ट्रान्सफर, एटीएम र क्रेडिट कार्यलगायत प्रयोगमा पनि अपराध बढ्दै गएको बताए । प्रयोगकर्ता पूर्ण 'म्याचुवर्ड' नभएका कारण पनि साइबर अपराध बढ्दै गएको उनले बताए ।

पासवर्डलगायत विषयमा नयाँनयाँ प्रयोगकर्ता जिम्मेवार बन्न नसक्नुले साइबर अपराधलाई बढाउँदै गएको सिलवालको भनाइ छ । जिल्लास्तरमा रहेका जनशक्ति र सीमित स्रोतसाधन प्रयोग गरी साइबर अपराध मुद्दाको अनुसन्धान गर्न समस्या रहेको जिल्लास्थित प्रहरीका अधिकारी बताउँछन् । उक्त मुद्दा अनुसन्धानलाई सजिलो पार्न जिल्लास्तरमै प्राविधिक जनशक्ति थपिई स्थानीयस्तरमै मुद्दा चलाउन सकिए नियन्त्रणमा सहजता आउने मोरङका प्रहरी नायब उपरीक्षक प्रभुप्रसाद ढकालको भनाइ छ । उनले काठमाडौं लगेर मुद्दा चलाउँदा खर्चिलो हुने गरेको बताए ।

उक्त मुद्दा अनुसन्धान गर्न जिल्लास्तरमा छुट्टै क्राइम सेल गठन गर्नुपर्नेमा पूर्वका जिल्लामा गठन भइसकेको छैन । डीआईजी सिलवालले क्षेत्रस्तरमा रहेको ब्युरोले जिल्लामा हुने अपराधसम्बन्धी मुद्दा अनुसन्धान गर्ने गरेको बताए ।

Read More

प्रसिद्ध हलिउड अभिनेता रोबर्ट डी नीरो संसारको सबैभन्दा महंगो कोठा भाडामा बस्छन्

प्रसिद्ध हलिउड अभिनेता रोबर्ट डी नीरो न्यूयोर्कको सबैभन्दा महंगो फ्लाटमा भाडामा बस्दै आएका छन्।
अन्तर्राष्ट्रिय सञ्चार माध्यमका अनुसार उनले उक्त फ्लाटको भाडा प्रतिमहिना १ लाख २५ हजार डलर अर्थात झन्डै १ करोड २२ लाख रूपैयाँ तिर्दै आएका छन्।

समाचारका अनुसार डी नीरो र उनकी पत्नी ग्रैस हाईटवर १५ सेन्ट्रल पार्क वेस्टस्थित इमारतका एक पूरै भब्य अपार्टमेन्टमा बस्दै आएका छन्। ६ हजार वर्ग फुट आकारको यस फ्लाटमा पाँच वटा रूम, सातवटा बाथरूम, एउटा पुस्तकालय र एउटा डाइनिङ हल रहेको समाचारमा उल्लेख छ।

यसका साथै फ्लाटमाबाट सेन्ट्रल पार्क, मैनहट्टन शहर तथा हडसन नदीको सुन्दरता देख्न सकिन्छ। यी युगल जोडी सन् २०१२ मा आफ्नो अपार्टमेन्टमा आगलागि भएपछि बेघर भएका हुन्।
उनीहरू आफ्नो घरको जबसम्म पूरै मर्मत सम्हार हुँदैन तबसम्म भाडामै बस्ने बताएका छन्।

Read More

प्रधानमन्त्री कोइरालाले ओवामालाई नेपाल भ्रमणको निम्तो

संयुक्त राष्ट्रसंघको ६९ औं महासभामा सहभागी हुन नेपाली प्रतिनिधि मण्डलको नेतृत्व गर्दै न्यूयोर्क आएका प्रधानमन्त्री सुशील कोइरालाको मंगलबार साँझ संयुक्त राज्य अमेरिकाका राष्ट्रपति वाराक ओवामासँग भेट भएको छ।

भेट न्यूयोर्कको ३०४ पार्क एभेन्युस्थित द वालडोर्फ अस्टोरिया होटलमा भएको थियो। भेटका अवसरमा प्रधानमन्त्री कोइरालाले राष्ट्रपति ओवामालाई नेपाल भ्रमणको निमन्त्रणा दिएका थिए।

उनले १ दशकभन्दा लामो सशस्त्र द्धन्द्धलाई शान्तिपूर्ण रुपमा अवतरण गराएर संविधानसभाबाट लोकतान्त्रिक संविधान निर्माण भैरहेको समयमा अमेरिका जस्तो लोकतान्त्रिक मुलुकको राष्ट्रप्रमुखको नेपाल भ्रमणले नेपालको संविधान निर्माण प्रकृया र प्रजातन्त्रको संस्थागत विकासमा ठूलो सहयोग पुग्ने बताएको प्रधानमन्त्रीका प्रेस संयोजक प्रकाश अधिकारीले बताए।

भेटका अवसरमा प्रधानमन्त्री कोइरालाले संयुक्त राज्य अमेरिकाले नेपालको सामाजिक र आर्थिक विकासमा निरन्तर पुर्याएको सहयोगको सराहना गर्दै धन्यवाद पनि दिएका थिए।

संयुक्त राष्ट्रसंघको ६९ औं महासभाको समुद्घाटन समारोह र राष्ट्रसंघीय जलवायु शिखर सम्मेलन २०१४ लाई सम्बोधन गर्न अमेरिकी राष्ट्रपति ओवामा पनि अहिले न्यूयोर्क आएका छन्।

मंगलबार आयोजित राष्ट्रसंघीय जलवायु सम्मेलनलाई उनले पनि सम्बोधन गरेका थिए।

संयुक्त राष्ट्रसंघको ६९औं महासभा सहभागी हुन आएका राष्ट्रप्रमुख र सरकारप्रमुखहरुको सम्मानमा राष्ट्रपति ओवामा र अमेरिकी प्रथम महिला मिसेल ओवामाले मंगलबार रात्री भोजको आयोजना गरेका छन्। 

Read More

एक महिलाले कार्यक्रममै फक इट’ भन्दै जागिरबाट राजिनामा दिएको घोषणा

आफुले कुनै जागिरबाट राजिनामा दिएको कुरा सार्वजनिक गर्नुको सबैभन्दा उच्चतम तह के होला ? एक जना टेलिभिजन पत्रकारले आफुले चलाइरहेको लाइभ टेलिभिजन कार्यक्रमबाटै टिभीको जागिर छाडेको घोषणा गरेकी छिन् ।

सायद यो अहिलेसम्मकै पत्रकारको सबैभन्दा सार्वजनिक राजिनामा प्रकरण हुनसक्छ ।
अमेरिकाको अलास्कास्थित केटीभीए टेलिभिजनमा कार्यरत चार्लो गि्रनले टेलिभिजनको लाइभ कार्यक्रममै राजिनामाको घोषणा मात्र गरिनन् अश्लील समेत बोलिन् । उनले भनिन्, ‘फक इट, मैले छाडेँ ।

आइतबारको रात्रीकालीन १० बजेको समाचारमा उनले अलास्का गाँजा क्लबका बारेमा रिपोर्ट प्रस्तुत गरिन् । उक्त रिपोर्टको अन्त्यमा उनले आफु पनि उक्त क्लबको एक मालिक रहेको खुलासा गरिन् । र, अन्त्यमा उनले अलास्कामा गाँजालाई वैधता दिनका लागि आफुले आफ्नो समय समर्पित गर्ने भन्दै टेलिभिजनको जागिर छाडेको घोषणा गरिन् । त्यो भन्दै उनी टेलिभिजनको सेटबाट बाहिरिइन् ।

उनले त्यस्तो हर्कत गरेपछि समाचारमा रहेकी अर्की प्रस्तोतालाई धर्मसंकट पर्यो । उनले तत्कालै दर्शकसँग माफी मागिन् । उनी निकै अकमकाइन् पनि ।
केटिभीएले आफ्नो कर्मचारीको यस्तो हर्कतप्रति  माफी मागेको छ । उसले ती कर्मचारीलाई जागिरबाट निकालेको समेत घोषणा गरेको छ ।

टेलिभिजन कार्यक्रममै अश्लील बोलेर जागिर छाडेपछि गि्रनले आफ्नो सोसल साइटको पेजमार्फत गाँजालाई वैधता दिने अभियानको घोषणा गरेकी छिन् ।  

Read More