श्वेताले भनिन्: सेक्स र यौन शब्द प्रयोगमा ख्याल गर्नुपर्छ

न्युदिल्ली, २८ मसिंर । यौन व्यवसाय गरेको आरोपमा पक्राउ परेकी बलिउड अभिनेत्री श्वेता वशुले मिडियाले आफु विरुद्ध उत्तेजित बनाउने कार्य गरेको आरोप लगाएकी छिन् । उनले मिडियालाई सेक्स र यौन शब्द प्रयोगमा ख्याल गर्न आग्रह गरेकी हुन् ।

सेक्स शब्दले मानिसहरु उत्तेजित हुने भन्दै श्वेताले भनिन् जब यी शब्द मिडियामा आउँछ अनि हामी केहि पनि विचार नगरी शब्द प्रयोग गर्छौँ । सत्य के हो त्यो नबुझेर हामी शब्दका पछि लाग्छौँ ।

भारतको हायदरावादको एक होटलमा उनी यौन धन्दा गरेको आरोपमा पक्राउ परेकी थिइन् । हालै उनलाई आरोप प्रमाणित हुन नसकेपछि अदालतले सफाई दिएको छ ।

Read More

२०७१ मङ्सिर महिनामा मात्र दश महिलाको हत्या

काठमाडौँ, १३ पुस । मङ्सिर महिनामा दश किशोरी तथा महिलाको हत्या भएको एक अध्ययनले देखाएको छ ।

सञ्चारिका समूह नेपालले गत मङ्सिर १ गतेदेखि २९ गतेसम्म १४ राष्ट्रिय दैनिक पत्रिकामा गरेको सञ्चार अनुगमनबाट ६२ यस्ता समाचार सामग्री प्रकाशन भएको देखिएको हो । महिलामाथि हुने हिंसालाई १३ शीर्षकमा अनुगमन गरिएको अनुगमन संयोजक रामशरण सेढाईंले बताउनुभयो । तीमध्ये बलात्कार, यौन दुव्र्यवहार, घरेलु हिंसा, दाइजो, मानव बेचबिखन, हत्या, बहुविवाह, बोक्सीप्रथा, परम्परागत तथा धार्मिक हिंसा, आर्थिक, स्वास्थ्यसम्बन्धी, राजनीतिक र अन्य शीर्षक छन् ।

समाचारमा १६ बलात्कारको घटनामा ६८ समाचार सामग्री प्रकाशन गरिएको थियो । गत महिनामा १४ दैनिक पत्रिकामा महिला बेचबिखनका १० घटनाका ५७ सामग्री प्रकाशन भएका थिए । महिलाकोे स्वास्थ्यअधिकारको हनन् भएका विषयका ४२ समाचार, विचार तथा सम्पादकीय प्रकाशन भएका थिए ।

परम्परागत र धार्मिक हिंसाका ५० समाचार, विचार तथा सम्पादकीय छापिएकामा पाँच घटना थिए भने १२ यौन दुव्र्यवहारका घटनाका ३८समाचार सामग्री प्रकाशित थिए ।

सोही अध्ययनले महिलामाथि हुने घरेलु हिंसासँग सम्बन्धित दुई घटनाबारे ११ समाचार, विचार तथा सम्पादकीय छापिएको देखाएकोे छ । त्यस्तै बहुविवाहका १० समाचार, विचार तथा सम्पादकीय छापिएकामा चार घटना प्रकाशित थिए ।

Read More

इन्डोनेसियाको बेपत्ता विमानको ४० शव जाभा समुन्द्रमा भेटियो

काठमाडौं, पुस १५ – हराइरहेको को फ्लाइट क्युजेट ८५०१ को खाजी कार्यमा संलग्न अधिकारीहरुले जाभा समुन्द्रबाट कम्तीमा पनि ४० जनाको शव निकाल्न सफल भएको बताएको छ ।

समुन्द्रमा भेटिएका लगभग १० वटा पार्टपूर्जालाई संकलन गर्ने क्रममा हराइरहेको विमानमा सवार यात्रुहरुको लास देखिएको हो । इन्डोनेसियाको स्थानीय टेलिभिजनले लास निकाल्दै गरेको दोखाएको दृश्य यद्यपी, उक्त पार्टपूर्जाहरु विमानको नै हो कि होइन भनेर अहिलेसम्म पुष्टि भएको छैन ।  

इन्डोनेसियाको सुरबायाबाट सिंगापुरतर्फ गइरहेको A320-200  एयरबसमा १६२ व्यक्ति सवार थिए ।   लास बरामद भएपश्चात् यात्रुका आफन्तहरु अंगालो मार्दै रोइरहेको दृश्य त्यहाँका स्थानीय टेलिभिजनले प्रत्यक्ष प्रसारण गरिरहेको थियो । खोजी कार्य तेस्रो दिनमा आइपुग्दासम्म यसको क्षेत्रफललाई वृद्धि गरिएको छ ।   इन्डोनेसियाको टेलिभिजनले देखाएको प्रत्यक्ष प्रसारणमा पार्टपूर्जासहित तैरिरहेको लास पनि देख्न सकिएको बताएको छ ।

Read More

एक हप्ता अघि मात्र छोरा गुमाएका एयर एसियाका पाइलटका बुवा दोहोरो शोकमा

काठमाडौं, पुस १५ – एयर एसियाका क्याप्टेनका बुवाले आफ्नो छोरा अझै पनि जिउँदै फर्केर आउने आशा व्यक्त गरेका छन् ।  

तीनदिनदेखि हराइरहेको एयर एसियाको फ्लाइटका क्याप्टेन इरियान्टो १६२ यात्रुसँगै बेपत्ता भएका छन् । क्याप्टेन इरियान्टोका बुवा सुवार्टोले आफ्ना क्याप्टेन छोरालाई आफ्ना अर्का छोराको अन्त्येष्टिमा भेटेको बताए । उनका अर्का छोराको एक हप्ता पहिले मधुमेहको कारण मृत्यु भएको उनले बताए ।  

सुवार्टोले आफ्नो क्याप्टेन छोरा जिउँदै फर्केर आउने आशा अझै पनि जिवित भएको बिबिसीलाई बताए ।   यस्तै गरि, क्यापेटनकी छोरी सोमबार बिहान आफ्नो हराइरहेको बुवाको निमित्त निकै भावुक सन्देश पठाएकी छिन् । उनकी २२ वर्षीय छोरी एन्जेला रनस्टियानिसले सामाजिक संजालमा आफ्नो बुवालाई घर फर्कन आग्रह गरेकी छिन् । उनी भन्छिन्, ‘पापा, प्लिज घर फर्कनुहोस्, मलाई तपाईंको अझै खाँचो छ । मेरो पापालाई घर फर्काइदेउ ।

Read More

वेपत्ता एयर एसियाको विमान यसरी खोजिँदैैछ ( भिडियोसहित)

लगातारको खोजी कार्य भइरहँदा पनि तीन दिनदेखि हराइरहेको एयर एसियाको विमानको केहि अत्तोपत्तो छैन ।

विभिन्न सञ्चारमाध्यमले जाभा समुन्द्रमा विमानको पार्टपूर्जा भेटेको अनुमान गरिएको समाचार सम्प्रेषण आज गरेता पनि यसको अहिलेसम्म पुष्टि भने भइसकेको छैन । देश–विदेशको ध्यान आकृष्ट गरिरहेको उक्त घटनालाई पार लगाउन विभिन्न देशहरुले सहयोग गरिरहेको र अझ बढि सहयोग गर्ने प्रतिवद्धता व्यक्त गरेको बुझिएको छ ।

Read More

मानिसहरु दिउँसो सुत्नाले चाँडै मृत्यु हुने सम्भावना हुन्छ ।

(एजेन्सी)– राती नसुतेको भन्दै दिनमा सुत्ने मानिसहरु सावधान हुनुहोस् । एक तथ्यका आधारमा दिउँसो सुत्ने वयस्क र पाको मानिसहरुको चाँडै मृत्यु हुने सम्भावना हुन्छ ।

विशेष रुपमा, दिउँसोको निन्द्राले स्वासप्रश्वाससम्बन्धि रोगहरु बढाउने गर्दछ । ४० देखि ६५ वर्षका उमेरसमूूहरुका मानिसहरु जो दिउँसो एक घण्टा वा त्योभन्दा बढि सुत्ने गर्दछन् उनीहरुको मृत्यु हुने सम्भावना दिउँसो नसुत्ने मानिसहरुको तुलनामा दोब्बर हुन्छ, युनिभर्सिटी अफ क्याब्रिजका अनुसन्धानकर्ताहरुले बताए । 

दिउँसो धेरै सुत्नाले स्वास्थ्यमा नकारात्मक असर पुर्याउने गर्दछ विशेष गरि श्वासप्रश्वाससम्बन्धि रोगहरु, क्याम्ब्रिजका महामारीविद् यू लेंगले बताए । उक्त अनुसन्धानमा १६ हजार मानिस सामेल गराइएको थियो । सन् १९९८ देखि २००० सम्मको अन्तरालमा उनीहरुको सुत्ने बानीको बारेमा जानकारी लिइयो र उनीहरुलाई १३ वर्षसम्म पिछा गरियो ।

Read More

अनौठो चोर, आफ्नै दूधले कर्मचारीको मुखमा हानेर रकम चोरी

चोरहरुले धनीको ध्यान मोडेर पैसा चोर्नका लागि हातमा जे छ त्यसैको प्रयोग गर्छन् । जर्मनीमा एक जना महिलाले भने आफ्नै दूधको धाराले कर्मचारीको मुख धोइदिएर एक फार्मेसीबाट रकम चोरी गरेकी छिन् ।
ब्रेस्ट पम्प किन्न भन्दै फार्मेसीमा पुगेकी ती महिलाले २० युरो पर्ने पम्प किनिन् । उनले कर्मचारीलाई २ सय युरोको नोट दिइन् । जब क्याशियरले उनलाई १ सय ८० युरो फिर्ता गरे, उनले आफ्नो ब्लाउज खोलिन् र आफ्नो दाहिने स्तन बाहिर निकालिन् ।

त्यसपछि उनले आफ्नो स्तन निचोरेर दूधको तीखो धारा छुटाइन् र सो धाराले क्याशियरको मुखमा हानिन् । क्याशियरको मुख ती महिलाको दूधले रुझ्यो । दूधले नुहाएर इन्तु र चिन्तु भएका ती कर्मचारीलाई त्यहीँ छाडेर उनले अर्को कर्मचारीमाथि आँखा लगाइन् र त्यसै गर्न थालिन् ।
ती महिलाले दूधले रुझाउँदै हिँडको देखेर अरु कर्मचारी पनि डराएर लुक्न थाले । ती महिलाले त्यसको फाइदा उठाउँदै १ सय युरो चोरिन् । रकम चोरेपछि उनलाई अरु के चाहियो र । त्यो ब्रेस्ट पम्प त्यहीँ छाडिन् र कुलेलम ठोकिन् ।

तत्काल ती महिलाले रकम चोरेको पत्तो कसैलाई भएन । तर बेलुकी हिसाब किताब गर्ने बेलामा पो बल्ल कर्मचारीहरुले पत्तो पाए ।
समाचार अनुसार आफ्नै दूधको धारा प्रयोग गरी रकम चोरी गर्ने ती महिला फरार छिन् । उनको हुलिया समेत कर्मचारीहरुले खासै सम्झन सकेका छैनन् । मात्र उनको जिउ निकै खाइलाग्दो रहेको, लामो तथा कालो कपाल हुनुका साथै अरुले नबुझ्ने भाषा बोल्ने गरेको बताएका छन् ।

घटना जर्मनीको डर्मस्टाड सहरमा भएको हो । प्रहरीले ती महिलाको खोजी भैरहेको बताएको छ । आफ्नो दूधको धाराले कर्मचारीलाई आक्रमण गरी पैसा लुट्ने यो घटना अहिलेसम्मकै पहिलो र असाधारण रहेको प्रहरीले जनाएको छ ।

Read More

आफ्नै योनीमा विष घोलेर लोग्नेको हत्या गर्न खोज्दा, अनौठो गन्धले बचायो ज्यान

समयसँगै अपराधका नयाँ नयाँ शैली विकशित भैरहेका छन् । कसैको हत्या गर्न हत्याराहरुलेे विभिन्न खाले उपायहरु अपनाउने गर्छन् ।

तर एक जना ब्राजिलियन महिलाले आफ्ना लोग्नेको हत्या गर्न अपनाएको उपाय भने दुनियामा अहिलेसम्मकै नयाँ उपाय होला । ती महिलाले लोग्नेको हत्या गर्नका लागि आफ्नै गुप्तांगमा प्रसस्त विष हालेकी छिन् ।
श्रीमतीले आफ्नो गुप्तांगमा विष हालेर कसरी लोग्नेको हत्या गर्न सक्छिन् ? लोग्नेको हत्या गर्न न उसलाई पो विष खुवाउनुपर्छ । तर कुरो अर्कै छ र गहिरो पनि छ ।

कुनै खानेकुरामा मिलाएर विष खुवाउँदा शंका उत्पन्न हुने कुरामा सचेत रहेकी ती महिलाले लोग्नेलाई शंकै नहुने गरी आफ्नो गुप्तांगमा विष हालिन् । त्यसपछि उनले सेक्सका बेला लोग्नेलाई मुखमैथुन अर्थात् ओरल सेक्स गर्न लगाइन् । लोग्नेले ओरल सेक्स गर्दा गुप्तांगमा हालेको विष खाने र उसको ज्यान जाने विश्वास ती महिलाको रहेछ ।

घटना ब्राजिलको साओ होजे क्षेत्रको हो । नाम नखुलाइएका एक जना ४३ वर्षीय पुरुषलाई उनकी श्रीमतीले योनीमा विष घोलेर हत्या गर्न खोजेको पुष्टि भएको छ । श्रीमतीको गुप्तांगको विषबाट झण्डै ज्यान गुमाउन पुगेका ती पुरुषका अनुसार सम्भोगका बेला उनकी श्रीमतीको गुप्तांगबाट अन्य बेलाको भन्दा फरक तथा निकै अनौठो गन्ध आएछ ।

श्रीमतीले मुख मैथुनका लागि कर गरिरहेकी थिइन् । तर उनलाई त्यस्तो गन्ध किन आयो भनेर डर लागेपछि तत्कालै श्रीमतीलाई लिएर अस्पताल गएछन् । अस्पतालमा परीक्षणका क्रममा श्रीमतीको योनीमा विष रहेको पुष्टि भयो । पछि केरकारका क्रममा ती श्रीमतीले श्रीमानको हत्या गर्नका लागि आफुले आफ्नो गुप्तांगमा विष हालेको स्विकार गरेकी छिन् । समाचार अनुसार हानिकारक रसायन सहितको विषले उल्टै ती महिलाको गुप्तांगमा ठूलो असर पुगेको छ र उनलाई अस्पतालमा भर्ना गर्नुपरेको छ ।

ती महिला विरुद्ध ज्यानमार्ने उद्योग गरेको अभियोगमा मुद्दा चल्नसक्ने बताइएको छ ।

Read More

के तपाई फेसबुकमा ढाँट्नुहुन्छ ? होसियार है, आफैलाई चिन्न नसक्ने बन्नुहोला नि

बढि लाइक पाउनका लागि के तपाइँले आफ्नो फेसबुक प्रोफाइलमा छलछाम गर्नुहुन्छ ? आफुलाई बढि जान्ने, स्मार्ट तथा ठूलो मान्छे देखाउनका लागि आफ्नो क्षमता भन्दा बाहिरका बनाबटी विषय तथा सन्दर्भहरुबाट फेसबुकमा आफुलाई सुसज्जित त गराउनुहुन्न ?

यसो गर्दा तपाइँलाई नजिकबाट नचिन्ने केही मान्छेहरुले तारिफ त गर्लान् । अनि तपाइँको फेसबुकको भित्तो वा पेजमा धेरै लाइक आउलान् । तर लाइक पाउने आशामा फेसबुकमा आफैलाई र अरुलाई ढाँटिरहनुभएको छ भने होसियार हुनुहोस् । यस्तो व्यवहारले तपाइँको मस्तिष्कको स्मरण क्षमतामै नकारात्मक असर पूराउने एक अध्ययनले देखाएको छ । हालै गरिएको एक सर्भेक्षण अनुसार दुई तिहाइ सोसल मिडिया प्रयोगकर्ताहरुले आफ्नो जिन्दगीको यथार्थ अवस्थालाई लुकाएर बढाइचढाइ गर्दै पेश गर्छन् । आफ्नो यथार्थ जिन्दगी भन्दा सोसल मिडियामा उनीहरु बढी शौखिन तथा रुचीकर देखिने प्रयास गर्छन् ।

सर्भेक्षण अनुसार युवा तथा प्रौढहरुले सोसल मिडियामा आफ्नो सम्बन्ध तथा जागिरको वृत्ति विकाश र विदाको विषयमा ढाँट्ने गरेका छन् । अध्ययन अनुसार हरेक ५ मा एक जनाले आफ्नो सोसल मिडियाको प्रोफाइल र आफ्नो यथार्थ अवस्थाबीच तालमेल नहुने बताएका छन् । यस्तो ढाँट्ने बानीले प्रयोगकर्ताहरुको स्मरणमा समेत नकारात्मक असर पूराउने गरेको छ । सर्भेक्षणमा सहभागी गराइएका मध्ये १० प्रतिशत किशोर किशोरीहरुले आफुले सोसल मिडियामा राखेका बनाबटी कुराहरुका कारण आफ्नो विगतको घटनाबारेको स्मरण नै बिगि्रएको बताएका छन् ।

सामाजिक संजालमा ढाँटछल गरेर प्रस्तुत हुने बानीले कम उमेरका मानिसहरुमा झनै जोखिम बढाउँछ । १८ देखि २४ वर्ष उमेर समूहका सयमा १६ जनाले आफ्ना स्मरणहरु पूर्णरुपमा गडबड भएका बताए ।
केही युवाहरुमा त बिर्सने रोग अर्थात् डिजिटल एम्नेसिया नै भएको छ । जसले कुनै घटनालाई आफ्नै तरिकाले विश्वास गर्छन् र खास वस्तुस्थिति के हो ? भन्ने बिर्सिन्छन् ।

विश्वको पहिलो बेनामी अनलाइन जर्नल भण्डार पेनकरेजले गरेको अध्ययनले फेसबुक लगायतका सोसल साइटहरुमा ढाँटछल गर्ने तथा बढाइचढाइ गरेर आफु र आफु सम्बद्ध विषयहरुलाई प्रस्तुत गर्ने बानीले गर्दा मानिसहरुमा गलत स्मरण हुने जोखिम बढ्दै गएको र यसले स्मरण क्षमतामा ह्रास गर्ने देखाएको हो ।
पेनकरेज यस्तो अनलाइन हो जसले प्रयोगकर्ताहरुलाई आफ्नो नाम उल्लेख नगरीकनै आफ्नो जिन्दगीका वास्तविक महत्वपूर्ण घटनाहरु हरेक दिन २ सय शव्दमा लेख्ने र त्यसलाई आफ्नो व्यक्तिगत जर्नलमा संग्रहित गर्ने अवसर प्रदान गर्दछ ।

पेनकरेजको अध्ययन अनुसार ६८ प्रतिशत प्रयोगकर्ताले सोसल मिडियामा आफ्ना इभेन्टहरुका बारेमा केही कुरा पोष्ट गर्दा अतिशयोक्तिपूर्ण तरिकाले प्रस्तुत गर्ने, बढि कलात्मक वा नक्कली पाराले प्रस्तुत गर्ने तथा पूर्णरुपमा झुटो व्यहोरा प्रस्तुत गर्ने गर्दछन् ।
अध्ययनकर्ता समेत रहेका मनोविज्ञ रिचार्ड शेरीका अनुसार सोसल मिडियामा यस्तो ढाँट्ने बानीले अन्ततः हामीलाई आफ्नो पन नै गुमाएको,आफ्नो अनुभव, आवाज, संस्मरण तथा विचार नै पहिचान गर्न नसक्ने अवस्थामा पूराउँछ । यसले आफैप्रति द्वेष तथा नमज्जाको भावना जगाउने र निरासा तथा डिप्रेसन लगायतका मनोवैज्ञानिक समस्या पैदा गर्ने उनको भनाइ छ ।

Read More

हराइरहेको विमानको टुक्रा हुन सक्ने आशंका जाभा समुन्द्रमा शंकास्पद बस्तु देखियो

१५ पुस, काठमाडौं । आइतबारदेखि हराइरहेको एयर एसियाको विमानको खोजीका क्रममा जाभा समुन्द्रमा केही शंकास्पद बस्तुहरु देखिएको छ ।

इण्डोनिसियाका अधिकारीहरुका अनुसार जाभा समुन्द्रको इण्डोनेसियातर्फ टुटेफुटेका केही बस्तुहरु देखिएको बताएका छन् ।

‘तर, हराइरहेको विमानको भए नभएको छानविन पूरा नभएसम्म केही भन्न सकिँदैन’ एक अधिकारीहरुले बताएका छन् । त्यसतर्फ टोली पठाइएको बीबीसीले जनाएको छ ।

एक टापुमा धुँवा देखिएपछि त्यसतर्फ पनि टोली पठाइएको अधिाकरीहरुले बताएका छन् ।
आइतबार विहान इण्डोनेसियाको सुराबायाबाट सिंगापुरका लागि उडेको एयर एसियाको विमान १६२ यात्रुसहित हराइरहेको छ ।

विमानको खोजीमा ३० भन्दा बढी पानी जहाज, १५ एयर क्राफ्ट र सात हेलिकोप्टर परिचालन गरिएको छ ।

Read More