आलुमा सियो काण्ड दिनदिनै चर्किदै, सूचना दिनेलाई १ लाख डलर पुरस्कार

चामलमा ढुंगा भेटिने कुरा त सामान्य हो, तर आलुमा सियो भेटियो भने के होला ? साँच्चीकै त्यो निकै खतरनाक हुन्छ । आखिर कुन नियतले राखिन्छ होला आलुमा सियो ?

क्यानडामा अहिले आलुमा सियो भेटिएको काण्ड दिनदिनै चर्किँदो छ । गएको अक्टोबरमा पहिलोपटक आलुभित्र सियो फेला परेको थियो र त्यसयता भित्र सियो रोपिएका १० वटा आलु फेला परिसकेका छन् । आलुमा सियो रोपिएको काण्डका दोषी पत्ता लगाउन नसकेपछि सरकारले दोषीको सूचना दिने व्यक्तिलाई १ लाख क्यानेडियन डलर पुरस्कार दिने घोषणा गरेको छ ।

यसअघि सुरुमै ५० हजार डलर पुरस्कार दिने घोषणा गरेको सरकारले उक्त पुरस्कारबाट सूचना प्राप्त नभएपछि स्थानीय आलु उद्यमी तथा सरकार मिलेर पुरस्कार राशीलाई दोब्बर पारिएको हो । रोयल क्यानेडियन माउन्टेड पुलिसका अनुसार सियो भेटिएका आलु सबै पि्रन्स एडवार्ड टापुस्थित एउटै कृषि फार्मबाट उत्पादित आलु रहेका छन् ।

 उक्त आलु फार्मका मालिक ग्यारी लिंकलेटरले कठीन परिस्थितिमा सबै ऐक्येबद्ध हुनु खुसीको कुरा भएको भन्दै अहिले घोषणा गरिएको पुरस्कारले दोषीको पहिचान गर्न तथा सियो काण्डको श्रृंखला अन्त्य गर्न सहयोग पूराउने आशा व्यक्त गरेका छन् ।

आलुभित्र सियो फेला परेको घटनाले एडवार्ड टापुका आलु किसान ठूलो मारमा परेका छन् । उनीहरुका आलु बजारमा बिक्न छाडेका छन् भने बजारमा पठाइएका ३ लाख ६३ हजार किलो आलु फिर्ता आएको छ । आलुमा सियो फेला परेको काण्डपछि उपभोक्ता त्रसित हुँदा आलुको एक्सरे परीक्षण तथा मेटल डिटेक्टरको समेत प्रयोग गर्न थालिएको छ ।

Read More

अलकायदाको काठमाडौंमा आक्रमण योजना

२८ मंसिर, काठमाडौं । इस्लामिक आतंककारी संगठन अलकायदाले काठमाडौंमा विष्फोट गराउने योजना बनाएको भन्दै गरिएको प्रचार गलत भएको पुष्टि भएको छ ।

प्रहरी तथा सञ्चार माध्यमहरुलाई गलत इमेल पठाएर फसाउन खोजेको भन्दै रोशन भारती नामका व्यक्ति पक्राउ गरेका छन् ।

‘अरुको इमले हृयाक गरेर गलत सूचना दिने व्यक्तिलाई साइबर क्राइम अनुसार कारवाही गर्दैछौं’ अपराध अनुसन्धान महाशाखका प्रमुख एसएसपी पुष्कर कार्कीले अनलाइनखबरसँग भने ‘रोशन भारती भन्ने व्यक्तिले प्रहरीलाई फसाउन खोजेको रहेछ ।’

भारतीले अर्काको इमेल हृयाक गरी अलकायदाले काठमाडौंको पशुपतिनाथमा विष्फोट गराउन लागेको गलत जानकारी दिएका थिए ।

आइतबार पक्राउ परेका भारतीलाई साइबर अपराध अनुसार कारवाही गरिने कार्कीले बताए । भारतीले दिएको सूचनाको आधारमा प्रहरीले शुक्रवार काठमाडौंबाट पाँच जना पाकिस्तानीसहित २० जनालाई पक्राउ गरेको थियो ।
भारतीले गलत सूचना दिएको पुष्टि भएपछि पक्राउ परेकाहरु सबै छुटेका छन् ।

भारतीले ती व्यक्तिको नाम किन मुछे त ? एसएसपी कार्की भन्छन-‘कहीँ न कहीँ यिनीहरुको एउटै ग्याङ भएर पछि कुरा नमिलेर भारतीले फसाउन खोजेको पनि हुनसक्छ ।’

बेलायतमा प्रमुख कार्यालय रहेको कल्की अवतार फाउन्डेसनको नेपाल प्रतिनिधि पाकिस्तानी नागरिक कयुम रियाजको याहुमेल हृयाक गरी भारतीले कल्की फाउन्डेसनका प्रमुख युनुसको इमेलमा काठमाडौंमा विस्फोट गर्ने योजना सम्वन्धी मेल पठाएको प्रहरी अनुसन्धानबाट खुलेको छ ।

त्यो इमेलमा पशुपतिनाथ लगायतका स्थानमा बिष्फोट गराउने योजना रहेको झूठो विवरण राखिएको थियो ।
भारतीले त्यो इमेल पि्रन्ट गरी प्रहरी र केही सञ्चार माध्यममा पुगेका थिए ।

त्यसकै आधारमा पक्राउ परेका व्यक्तिको बयान र इमेलको आधिकारिकता अनुसन्धान गर्ने क्रममा भारतीको गलत धन्दाको पर्दापास भएको कार्कीले बताए ।

Read More

ऐनामा आफ्नो सबै अंग सेक्सी लाग्छ: सुरविना

२ वटा चलचित्रमा अभिनय गरिसकेकी नव–कलाकार सुरविना कार्की आफू स्टार बनेको सपना देख्छिन् । उनको सपना भोलीका दिनमा पुरा होला या नहोला, तर उनी मिहिनेत भने नछोड्ने बताउँछिन् ।

सानैबाट कलाकारितामा रुची भएकै कारण चलचित्र नगरीमा आएकी उनी ‘झेली’मा पहिलो पटक अभिनय गरेपछि केही मात्रामा चलचित्र क्षेत्रबाट परिचित भइन् । उनलाई आजसम्म चलचित्र क्षेत्रबाट कुनै समस्या झेल्नु परेको छैन । सबै चाहना पुरा भएका छन् र सबैले माया पनि गरेका छन् ।

उनलाई आजको दिनमै आफूलाई दर्शकले चिनेका छन् भन्ने लाग्दैन । तर, निरन्तर काम गरेको खण्डमा भविष्य उज्ज्वल हुन्छ भन्ने थाहा छ ।
अनलाइनखबरको ‘फ्रेस फेस’ अन्र्तगत कुरा गर्दैै गर्दा उनमा चुलबुलेपन देखियो । ‘म यस्तै छु, सबैसँग बोल्छु ।’उनको नयाँ चलचित्र ‘नाईके’ शुक्रबारबाट हलमा लाग्दैछ । उनलाई लाग्छ, यो चलचित्र हेरेपछि दर्शकले अझ उनलाई नजिकबाट चिन्नेछन् ।

आफूमा हिरोइनमा हुनुपर्ने सबै गुण भएको दाबी सुरविना गर्छिन् ।
‘अभिनय सबैले राम्रो छ भन्नुहुन्छ, मेरो स्क्रिन लुक्स पनि राम्रो छ, म मिहिनेती छु’, सुरविनाले आफ्नो खुबीको बारेमा बताइन् । तपाई कत्तीको सेक्सी त, सुरविनाले भनिन्–‘मलाई थाहा छैन म कत्ती सेक्सी छु । म काठमाण्डौ आउनु भन्दा अगाडि त मलाई सेक्सी भन्ने के हो थाहा पनि थिएन ।’

आफ्नो अनुहार र उमेरले साथ दिएसम्म नायिका बन्ने लक्ष्य राखेकी यी नव–कलाकारलाई उमेर घर्केपछि भूमिका परिवर्तन गर्नुपर्छ भन्ने लाग्छ । सुन्दर देखिनका लागि उनी के गर्छिन् त, भन्छिन्–‘बिहानदेखि नसुतिन्जेलसम्म ग्रिन टी पिउँछु । उसिनको कुरा मात्र खान्छु ।’

हेर्दा उनको कुन अंग राम्रो त, भनिन्–‘आखा, ओठ मेरो सेक्सी छ । तर, ऐनामा नाङ्गै बसेर शरीर हेर्दा त सबै राम्रो लाग्छ नि ।’अफर आएको खण्डमा सबै भूमिका गर्छु भन्ने सुरविना चलचित्र क्षेत्रमा लागेर जिउँन सकिने दाबी गर्छिन् । उनले त आफूले आजसम्म खेलेका चलचित्रमा भनेको जती पारिश्रमिक पाएको समेत खुलाइन् । उनको बुझाईमा चलचित्र क्षेत्रमा प्रतिस्पर्धा धेरै छ । तर, पनि आफ्नो मनबाट भने उनलाई आफू सुपरस्टार नै लाग्छ ।

आफ्नो प्रेमका कुरा खोतल्दै सुरविनाले भनिन्–‘कक्षा १० मा पढ्दा मेरो अफेयर थियो । तर, ३ बर्षपछि त्यो टुट्यो । अहिले संझदा केटाकेटी खेले जस्तो लाग्छ ।’
कथाले माग्यो भने उनी शरीरको पछाडिको भाग(ब्याक लेस) न्यूड सम्मको दृश्य दिन सक्छिन् । भनिन्–‘मैले पनि परिवार र समाज हेर्नुपर्छ । तर, म आधुनिक यूवती हुँ भन्ने पनि विर्सन हुँदैन ।’

उनको वुझाइमा अंग देखाउँदैमा कोही पनि छाडा हुँदैन । विशेषगरि, त्यसलाई खिच्ने निर्देशकको कमजोरीले धेरै यूवती छाडाको कोटामा परेका हुन् । वास्तवमा त्यो गल्ती निर्देशकको थियो, कलाकारको होइन । सुरविना कुनै पनि नायिका जस्तो बन्ने सोच राख्दिनन्, भनिन्–‘मैले म नै बन्नुपर्छ, अरु बन्छु भन्ने उद्देश्य राखेर हुँदैन ।’

Read More

धेरै पटक शारीरिक सम्बन्धको प्रस्ताव आयो: स्मिता

‘रोमान्स’ चलचित्रमा अभिनय गर्दा नव–नायिका स्मिता थपलियालाई आलोचना धेरै खप्नु पर्‍यो । चलचित्र क्षेत्रमा छाडापन भित्राउने र चर्चाका लागि जस्ता दृश्य पनि दिने नायिकाहरुको सुचीमा उनी पनि अटाइन् ।

आज उनी यो क्षेत्रमा कसरी अगाडि बढ्ने भन्नेमा नै दोधारमा छिन् ।पछिल्लो समय चलचित्र ‘मेरो मान्छे’मा अभिनय गर्दासम्म पनि उनलाई आफ्नो परिचय बनाउन मुश्लिक नै देखिन्छ ।

अनलाइनखबरको ‘फ्रेस फेस’का लागि कुरा गर्ने क्रममा यी नव–नायिकाले मनमा लागेका र भोगेका सबै कुरा खोलिन् ।

३ बर्ष अगाडि एक निर्माताले काठमाण्डौको नयाँ बानेश्वरमा उनलाई चलचित्र खेलाउन भनी बोलाएका रहेछन् । तर, चलचित्र खेल्न आफूसँग शारीरिक सम्बन्ध राख्नु पर्ने अफर गरेपछि स्मितालाई यो क्षेत्र नै मन परेन । उनले भनिन्–‘३ पटकसम्म मलाई शारीरिक सम्बन्धको प्रस्ताव राखेपछि मलाई त उसको गालामा थप्पड हान्न मन थियो ।

जता गए पनि चलचित्र खेल्न यस्तै मात्र अफर आएपछि स्मिता आफूलाई दिक्क लागेर गाउँ फर्किएको बताउँछिन् । नेपाली चलचित्र खेल्नका लागि आफूलाई मात्र हो या अरुलाई पनि यस्तै प्रस्ताव आउँछ, उनले वुझ्न सकेकी छैनन् ।

आफूलाई अभिनय, डान्स राम्रो आउँने भन्दै उनले आफू अरुसँग मिल्न सक्ने खुबी भएका कारण पनि यो क्षेत्रमा अगाडि बढ्न सक्छु भन्ने लागेको खुलाइन् । चलचित्र क्षेत्रमा भविष्य छ भन्ने उनलाई फिटिक्कै लाग्दैन ।

तर, पनि संघर्ष गर्दै जाँदा एकदिन सफल भइन्छ भन्ने उनलाई थाहा छ । ‘रोमान्स’, ‘लभ इज लाइफ’, ‘कैफियत’, ‘स्पर्श’ र ‘मेरो मान्छे’मा अभिनय गरिसकेकी यी नव–नायिकाले आफ्नो परिचय पाउँन अझै काम गर्नु पर्ने बताइन् ।

Read More

चीनले बनायो १४ सय किलोमिटर लामो कृतिम नदी

बिश्वलाई चकित पार्नेगरी आर्थिक प्रगति गरिरहेको छिमेकी मुलुक चीनले १४ सय किलोमिटर लामो कृतिम नदी बनाएर बिश्वलाई थप आश्चर्यमा पारेका छ ।

चीनकै दोस्रो ठूलो एलो रिभरलाई डाइभर्ट गरी राजधानी बेइजिङ लगायत स्थानमा खानेपानी र सिचाईंका लागि पानी आपूर्ति गर्न थालिएको छ । ११ बर्षअघि निर्माण सुरु गरिएको यो मानव निर्मित नदीमा शुक्रबारदेखि पानीको बहाव छाडिएको छ । यलो नदीमा बग्ने कुल पानीको ६ भागको एक भाग मानव निर्मित नदीतर्फ फर्काइएको छ । १५ दिनभित्र पानी बेइजिङ पुगिसक्ने बताइएको छ ।

नदी जोडने ‘साउथ-नर्थ वाटर डिभिजन प्रोजेक्ट’का लागि चीन सरकारले ८१ अर्ब अमेरिकी डलर छुट्टाएको छ । यस अन्र्तगत तीनवटा मानवनिर्मित नदी बनाइने छ । पूर्वी खण्डमा अघिल्लो बर्ष नै पानी बग्न सुरु भइसकेको छ भने मध्य खण्डमा शुक्रबारदेखि सुरु भएको छ ।

यलो नदीलाई बेइजिङ जोड्ने मध्य परियोजनाका लागि मात्र ३३ अर्ब अमेरिकी डलर खर्च गरिएको छ । परियोजनाका कारण विस्थापित भएका ३ लाख ३० हजार मानिसलाई अन्यत्र सारिएको छ । मानव निर्मित नदीले चीनका ३० करोड जनतासमक्ष खानेपानी पुर्‍याउने छ । मानव निर्मित नदी चीनका ठूला पाँच चमत्कारिक इन्जिनियरिङ परियोजनामध्ये पर्दछ । 

Read More

काठमाडौं : महिलाका लागि मुम्बईभन्दा खतरनाक !

२८ मंसिर, काठमाडौं । गणतन्त्र नेपालको राजधानी महिलाका कति सुरक्षित होला ? तपाईले काठमाडौंलाई महिलाका लागि सुरक्षित सहरका रुपमा दाबी गर्नुभयो भने त्यो गलत हुन सक्छ ।
मेनुका थापा, अध्यक्ष, रक्षा नेपाल

काठमाडौं शहरमा स्वतन्त्र जीवनको अनुभूति गर्न नपाएका महिलाका दर्दनाक कथा धेरै छन् । तीमध्ये नुवाकोटकी पूजा (परिवर्तित नाम) एक हुन् । पूजाको संघर्षको कथा मुम्बईमा बेचिएकी सुनिता दनुवार र चरिमायाको भन्दा फरक छैन ।

सुनिता र चरिमाया मुम्बईमा बेचिए, पूजा भने आफ्नै देशको एक मसाज सेन्टरमा बलात्कृत भइन् ।
सानैमा बाबुआमा बितेपछि दाजुसँग बस्दै आएकी पूजाको दुःखको दिन दाइको विवाहपछि सुरु भयो । भाउजूले राम्रो व्यवहार नगरेको भन्दै उनी घर छाडेर त हिडिँन्, कतै तर, काम पाइनन् ।
दलित समुदायको भएकै कारण कामसमेत नपाएपछि उनले जात ढाँटेर एक नेवार परिवारमा भाँडा माझ्ने काम गर्न थालिन् ।

२५ जनाको परिवारको भाँडा माझ्नेदेखि लुगा धुनेसम्मको काम गर्दा पनि उनले सुख पाइनन् । एक दिन गिलास फुटाएको भन्दै पिटेपछि उनी एकजना दाइको साथ लागेर ठमेल छिरिन् ।

‘मलाई त्यसबेला मायाको मात्रै जरुरी थियो । मीठो बोली चाहिएको थियो’ पूजा आफ्नो विगत सम्झँदै भन्छिन्-‘त्यही घरमा आइरहने दाइले राम्रो काम लगाइदिन्छु भनेपछि सँगै हिडेँ ।

पहिले कहिल्यै ठमेल नगएकी उनलाई त्यो ठाउँ निकै झिलिमिली लाग्यो । सुरुमा उनलाई कूचो लगाउने र भुई पुछ्ने कामका लागि भन्दै एक साहुनीको घरमा लगेर राखियो ।

उनलाई त्यसबेला थाहा थिएन, त्यो एक मसाज सेन्टर हो भनेर । काम गर्दै जाने सिलसिलमा एक दिन साहुनीले उनलाई कोठामा रहेका दुईजना गेष्टलाई जुस लिएर जान भनिन् ।

‘जब म कोठामा प्रवेश गरेँ, उनीहरुले चुकुल लगाएर मलाई बेडमा लडाए । त्यसपछि के भयो, त्यो म यहाँ भन्न सक्दिँन’ पूजाले अनलाइनखरसँग भनिन् ।

उनी दुई युवकबाट बलात्कृत भइन्, जतिबेला उनको उमेर १२/१३ वर्ष थियो । पछि त्यहीँ काम गर्ने एकजना दिदीले उनको कपडा फेरिदिइन् ।

दुई वर्षसम्म नरकमा

बलात्कार भएको दुई वर्ष पूजाले त्यही मसाज सेन्टरमा नारकीय जीवन बिताइन् । जाने ठाउँ कहीँ नभएको र उमेर सानै भएकाले उनी दिनदिनै बलात्कृत भएर त्यहीँ साहुनीसँग बसिन् ।

झण्डै २ वर्षपछि उनको उद्दार भयो, मेनुका थापाले नेतृत्व गरेको रक्षा नेपालको पहलमा । उद्दारपछि उनको जीवनले नयाँ मोड लियो ।

‘हामीले पूजालाई उद्दार गरेर घरमै राखेर पढायौं र लामो तयारी पछि कक्षा आठमा भर्ना गर्‍यौं, उनी त्यो वर्ष नै पहिलो भइन्’ रक्षा नेपालकी अध्यक्ष थापाले अनलाइनखबरसँग भनिन् ।

पूजा अहिले २० वर्षकी भइन् । उनी कक्षा १२ मा अध्ययनरत छिन् । अध्ययनरत रहेकाले नै उनको नाम गोप्य राखिएको हो, अनौपचारिक छलफहरुमा भने उनी वास्तविक नाम नै भन्न रुचाउँछिन् ।

अध्ययनसँगै पूजाले मनोरञ्जनको क्षेत्रमा काम गर्ने महिलाहरुका लागि काम थालेकी छन्, रक्षा नेपालको ‘मोडरेटर’ बनेर ।

अहिले पूजा समाज सेन्टर, रेष्टुँरासहितका क्षेत्रका कार्यरत महिलाहरुको समस्या बुझ्दै हिँड्छिन् । ‘दुःख पाएका दिदी बहिनीहरुलाई भेट्दा आफ्नो विगतले पोल्छ’ केही भावुक हुँदै उनले भनिन् ।

पूजाको सपना छ, ‘साइकोलोजिष्ट’ बन्ने । किन ? भन्ने प्रश्नमा उनले अनलाइनखबरसँग भनिन्, ‘यो क्षेत्रमा दुःख पाएका दिदी बहिनीहरुलाई परामर्शको जरुरी छ र म त्यो गर्न चाहन्छु ।’

मानव बेचबिखनविरुद्ध सक्रिय सुनिता दनुवार र चरियामा तामाङ धेरैका लागि रोल मोडल बनेका छन् । सानै उमेरमा मुम्बईको कोठीमा बेचिएकी सुनिता विश्वप्रसिद्ध म्यागासेसे र सीटेनबाट सम्मानित समेत भइसकेकी छिन् ।

चरिमाया आधुनिक दासताविरुद्धको नायकबाट सम्मानित नेपाली चेली हुन् । मुम्बईको कोठीको नारकीय जीवनबाट मुक्ति पाएपछि शक्ति समूह बनाएर उनीहरुले गरेको संघर्ष ठूलो छ ।

Read More

इनारको पिँधबाट प्रकाश निस्किरहेको रहस्यमय चिज, जसले पूरा गरिदिन्छ मनको इच्छा

दुनियामा केही यस्ता रहस्यमय चिज हुन्छन् जसले प्रकृतिको नियमलाई नै चुनौति दिन्छन् । जमिनमा बनेको खाडलमा गहिराइ बढ्दै जाँदा अँध्यारो पनि बढ्दैजान्छ, किनकी तलसम्म प्रकाश पुग्न सक्दैन । तर यो शाश्वत सत्यलाई चुनौति दिएको छ एउटा इनारले ।

पोर्चुगलको सिन्तारामा रहेको एक इनारमा जति गहिराइमा गयो उति धेरै उज्यालो छ । यो इनारको पिँध निकै उज्यालो छ, बीचको भाग भन्दा । इनारको पिँध जमिनबाट प्रकाश निस्किरहेको छ र त्यो प्रकाशको रोशनी माथितर्फ आएको छ । लेडीरिनथिक ग्रोटा नामको उक्त इनारको आकार पनि अचम्मको छ । यो इनारको गहिराइ ४ तले घर जत्तिकै छ र यसको ब्यास तल घट्दै गएको छ । यसको आकार पनि अचम्मको छ र उल्टो टावरजस्तो देखिन्छ ।

इनारको बाहिरपट्ट िपनि कलात्मक पर्खाल तथा मूर्तिहरु कुँदिएको छ । इनारको पिँधमा कुनै बत्ति बालिएको छैन, तर त्यहाँ उज्यालो छ र प्रकाश कहाँबाट आएको छ ? त्यो रहस्यको विषय बनिरहेको छ । यो इनारलाई विशिङ वेल्स अर्थात् चिताएको कुरा पूरा गरिदिने इनारको नामले चिनिन्छ । मानिसहरु यो इनारमा सिक्का फ्याँकेर वर माग्ने गर्छन् । यो इनारभित्र सिक्का फाल्नाले मागेको वर पाइन्छ भन्ने आम मान्यता रहेको छ । इनार हेर्न आउने जो कोही मानिस अचम्ममा पर्छन् जब इनारको पिँधमा उज्यालो देखिन्छ । चारतले घरजत्तिकै गहिराइभित्र कहाँबाट प्रकाश आयो ? भन्ने विषय अहिले पनि रहस्यको विषय बनिरहेको छ । हेरौँ यो चमत्कारी इनार

Read More

चाँडै परिपक्व हुँदैछन् किशोरीहरू

हिजो आजका बेबी वुमेन अर्थात् बालिका वा किशोरी चाँडै वुमेन अर्थात् महिलामा परिणत हुन उत्सुक देखिन्छन् । जवान देखिने उनीहरूको चाहना थ्रेडिङ गरिएका आँखीभौं, मिलाईएको हेयर स्टाइल, नेलपोलिसले आकर्षक देखिएका मेनिक्योर गरिएका लामा नङहरूले संकेत गर्छन् ।

अंशुकी आमा जब मेकओभरका लागि ब्युटिपार्लर जान्थिन् तब उनी पनि आमाको पछि लाग्थिन् । अंशु
पार्लरमा आमाले थ्रेडिङ, वेक्सिङ, मेनिक्योर आदि गराएको ध्यान दिएर हेर्थिन् । अंशु जब १२ वर्षकी भइन् तब आफ्नो जन्मदिनमा उनले आमासित थ्रेडिङ गराउन अनुरोध गरिन् । आमाले हाँस्दै उनलाईर् ब्युटिपार्लर पुर्‍याइन् र भनिन्-'अरू के-के गर्ने इच्छा छ, सबै गराउनू ।' वर्थ डे पार्टीमा जब उनी पूर्ण मेकअपसहित देखा परिन्, तब उनी सबै दृष्टिकोणबाट १२ वर्षकी बालिका देखिन्नथिन् । यसरी अंशुले बेबी वुमेन बन्ने तयारीमा एक चरण पार गरिन् । अंशुको उमेरका अधिकांश बालिकाले आफ्नो आँखीभौं थ्रेडिङ गरी चिटिक्क पारेका छन् । केश पनि ब्लिच गरी रंगीन बनाएका छन् । हिजोआज अधिकांश स्कुले बालिकाको खबर यस्तै छ । अंशु पनि त्यसकै हिस्सा बन्न चाहन्छिन् । उनी अध्ययनशील मनीषाजस्तै आउटडेटेड हुन चाहँदिनन् । मनीषा कक्षाकी सबैभन्दा कम आकर्षक छात्रा हुन् । उनी मात्र पढाइमा अगाडि छिन् । अंशु उनीजस्ती नभै फेसनेबल देखिन चाहन्छिन् जुन उनीजस्ता धेरै बालिकाको चाहना हो ।

यही सोचका कारण १३-१४ वर्षका टिनएजर पनि आफ्नो फेसनेबल र स्टाइलिस देखिने चाहनामा पेडेड ब्रा तथा जिन्सभित्र फिटेड हिप प्याड पेन्टी लगाएको देख्न सकिन्छ । यी सामान आवश्यक नभएर रुचिका हुन् जसको प्रयोगले शरीर उनीहरूको चाहनाअनुरूप नै हेभी देखिन्छ । आफूभन्दा बढी उमेरका पुरुषलाईर् आकषिर्त गर्दा उनीहरूलाईर् आनन्द लाग्छ । त्यसैले १४-१५ वर्षका टिनएजरको २५-२६ वर्षका वयस्क व्यक्ति ब्वाइफ्रेन्ड भए पनि अनौठो मान्नुपर्दैन । हिजोआज सपिङ मलमा आफ्नो उमेरभन्दा बढीका युवकसित हिँडेका थुप्रै बेबी वुमेन देख्न सकिन्छ । जो पूर्णरूपले फेसनेबल अन्दाजमा आफ्नो ब्वाइफ्रेन्डसित आइसक्रिमको माग गरिरहेका हुन्छन् । ब्वाइफ्रेन्ड भने बेबी वुमेनलाईर् हेर्दै आफ्नो पर्स छाम्छन् । यस्ता बेबी वुमेनलाईर् कसैले मूर्ख बनाउन सक्दैनन् । प्रेम त्यसपछि ब्रेकअपको सिलसिला जवान हुँदासम्म दर्जनौं पटक गुजि्रसकेको हुन्छ । उनीहरू आफ्नो कलरफुल मिनिजका साथ सिपी शंखको माला, रेजर कट, स्टेप्स कटमा सजाइएको केशमा औंला फिराउँदै बाटोमा रौनक छर्दै हिँड्छन् । उनीहरू फेसनको पछि नलागी अरूभन्दा अगाडि हिँड्ने प्रयासमा हुन्छन् ।

मेकअपको आफ्नै आकर्षण छ । ग्लिटर आइलाईनरले सजिएको परेला, साइनी आइस्याडो तथा गाढा रंगको मस्काराले यी बेबी वुमेनको मुहारलाईर् मेच्योर लुक दिएर ठूली देखाउने चाहनालाईर् पूर्णता प्रदान गर्छन् । मोटो मोती वा शंख, सिपी जडित लेदर बेल्ट, कानमा लट्किएको विडेड हुप्सका साथमा मस्किने यी बेबी वुमेनहरू आखिर के चाहन्छन् ? मोजमस्ती वा मनोरञ्जन ? मात्र सपिङ होइन, घुम्दै-फिर्दै आफ्नो प्रदर्शनी पनि । आफ्नो हाउभाउको आकर्षण छर्दै, स्टाइलिस ड्रेसमा सजिएका, ब्रोन्ज स्मोकी मेकअपमा पूर्णरूपमा डुबेका उनीहरू हरेक अनुभव लिन चाहन्छन् । महानगर र ठूला सरहमा त ट्युव टप, पनामा ह्याट, प्लास्टिक रिमयुक्त ग्लेअर्स वा गगल्स तथा विभिन्न हेयर एसेसरिजमा उनीहरू स्वयंलाईर् फरक लुक दिन्छन् । आफूलाईर् चाहनेहरूको लाईन लगाउने चाहना पनि उनीहरूमा लुकेको हुन्छ । कम उमेरका किशोरीहरूमा आफ्नो उमेरभन्दा पहिले नै वयस्क देखिने होडबाजी छ । यसमा उनीहरूका आमाको पनि पूर्ण सहयोग हुन्छ । आमाहरूलाईर् आफ्नी छोरी आफूभन्दा बढी फेसनेबल र मोर्डन स्टाइल्सका बारेमा जानकार भएको मन पर्छ । जहाँ कोही प्रोत्साहन गर्ने हुँदैनन्, त्यहाँ यी बेबी वुमेन आफ्नो पकेट मनी उपयोग गरेर आफ्नो सौन्दर्यमा निखार ल्याउन र समयपूर्व ठूली देखिने कसरत गर्छन् । उनीहरू नियमित रूपमा ब्युटिपार्लर जान्छन् । समयपूर्व नै संसार बुझ्ने उनीहरूको चाहनाले गर्दा चाँडै हारमोनल परिवर्तन प्रारम्भ हुन्छ र कम उमेरमै यौवनको आरम्भ हुन्छ ।

ब्युटी एक्सपर्टहरूका अनुसार पहिले १८ वर्षका किशोरीहरू बेक्सिङ-थ्रेडिङ गर्न ब्युटिपार्लर आउँथे । विस्तारै १६ वर्षका पनि आउन थाले र अहिले १४ वा १२-१० वर्षका बालिका पनि आउन थालेका छन् । यसको कारण मात्र अर्ली प्युबर्टी नै हो । अर्ली प्युबर्टीका कारण किशोरीहरूको केश र स्किनमा समस्या देखा पर्न थाल्छ । सेविग द लाईफ अफ एडोलसेन्ट गल्र्सकी लेखिका मेरी पाइपरका अनुसार किशोरावस्थाका यी युवतीहरू सुन्दर एवं आकर्षक देखिने चाहनामा तनावबाट गुजि्ररहेका छन् । यसको अर्थ हुन्छ, सेक्सुअल देखिनु, ब्वाइफ्रेन्ड बनाउनु । उनीहरू यी सबै कुराको दुस्परिणामबाट अवगत हुँदैनन् । उनीहरूको मन र कल्पनामा ठूली देखिनेे चाहना यति धेरै किन हुन्छ ? वास्तवमा जति पनि संचार माध्यम छन् ती सबैले उनीहरूका सामु ती तस्बिर बारम्बार प्रस्तत गरिरहेका छन्-प्रेम-रोमान्ससित जोडिनु एउटा स्वाभाविक प्रक्रिया हो । उनीहरू संचार माध्यमको नयाँ कल्चरको सिकार भएका छन् । अटलान्टाको सेन्टर फोर डिसिज कन्ट्रोल एन्ड त्रिवेन्सनका अनुसार अनुमानित ५० लाख यौनजन्य मामिला हरेक वर्ष अगाडि आउँछन् जसमध्ये ३० लाख किशोरावस्थासँग सम्बन्धित छन् । विशेषज्ञहरूका अनुसार यस प्रकारको सम्बन्धको आग्रह दुवैतर्फबाट हुन्छ । उनीहरू आफ्ना गर्लफ्रेन्ड-ब्वाइफ्रेन्डको गहिरो दबाबमा हुन्छन् । युवतीको ब्वाइफ्रेन्ड छैन भने त्यसको अर्थ उनमा आकर्षण छैन भन्ने बुझिन्छ । यी सब कुराका कारण उनीहरू यौनजन्य मामिलामा सहभागी हुन्छन् र त्यसपछि स्वयंलाईर् अत्यन्त लज्जित, एक्लो एवं अवसादले घेरिएको महसुस गर्छन् । यसबाट निस्कन उनीहरू पुन: त्यस्तै प्रकारको अर्को सम्बन्धमा बाँधिन्छन् । तिनलाईर् यसबाट जोगाउनु छ । यसका लागि बाहिरी सुन्दरता र आकर्षणको साटो आफ्नो गुण र मूल्य-मान्यतामा विश्वास बढाउनु जरुरी छ ।

विशेषज्ञहरूका अनुसार आमाबुवाले नै समय एवं अवस्था हेरेर सामाजिक परिवेश, प्रकृति तथा यौनका बारेमा बालबालिकालाईर् सही जानकारी दिनुपर्छ । छोरीलाईर् प्रेम, सौन्दर्य एवं यौनका विषयमा पनि ज्ञान दिनुपर्छ । छोरीका साथमा बसेर टिभी एवं फिल्ममा देखिने, देखाइने यौनजन्य दृश्यहरूको वास्तविकताका सम्बन्धमा जानकारी गराउनुपर्छ । छोरीहरू कहाँ जान्छन्, के गर्छन्, उनीहरूका साथीसंगीहरू कस्ता छन्, घरमा कतिबेला आउँछन् विशेष ध्यान पुर्‍याउनुपर्छ । इन्टरनेटमा उनीहरू के सर्च गर्दैछन् भन्ने पनि बुझ्नुपर्छ । उनीहरूको शारीरिक, मानसिक एवं सामाजिक विकासका साथै अनुशासनका बारेमा पनि सचेत हुनु जरुरी छ । तीव्र रूपमा अघि बढ्दै गएको सांसारिक परिवेशमा असुरक्षित यौन सम्बन्धको खतरा एवं परिणामका बारेमा अवगत गराई उनीहरूलाईर् अध्ययन, करियर एवं आत्मनिर्भरतातर्फ प्रेरित गर्नुपर्छ । सही वा गलत कुराका सम्बन्धमा स्पष्ट ज्ञान दिएर उनीहरूलाईर् स्वयं आफ्नो निर्णय लिन लाईक बनाउनु अभिभावकहरूको दायित्व हो ।

मनोचिकित्सकहरूका अनुसार हिजोआज बालबालिकाहरू मानसिक रूपमा समझदार हुनुको साटो जानकारीको स्तरमा चाँडै ठूलो भएको पाइएको छ । बेबी वुमेनका सामु सेक्स, गु्रमिङ आदिका बारेमा अनेकन जानकारी हुन्छ । स्कुलमा सहपाठीहरू र घरमा टिभी, इन्टरनेट यी सबैका माध्यम बन्ने गरेका छन् । बालिकाहरू आफ्नो वरिपरि जे देख्छन् त्यसैलाईर् अपनाउन चाहन्छन् । फेसन र मेकअपका बारेमा जानकारी राख्नुपर्छ तर आफ्ना लागि ठीक बेठीक पनि छुट्याउनु  जरुरी छ । यदि उनीहरूलाईर् चाहिने भन्दा बढी पकेट मनि प्राप्त भैरहेको छ भने उनीहरूले कहाँ खर्च गर्छन् भन्ने जाँच गर्नु पनि आवश्यक छ । आमाबुवाले उनीहरूलाईर् बचत गर्न सिकाउनुपर्छ, पैसाको मूल्य र महत्वका विषयमा अवगत गराउनुपर्छ । आमाबुवाले छोराछोरीलाईर् टिभीमा मात्र नभई घरेलु कामकाज, पारिवारिक जमघट एवं विवाह भोज आदिमा पनि सक्रिय बनाउनुपर्छ । उनीहरूलाईर् सामाजिक, धार्मिक, सांस्कृतिक एवं रीतिरिवाजसित पनि परिचित गराउनुपर्छ । त्यसपछि उनीहरू स्वयं आफूलाईर् धेरै कुरामा अनभिज्ञ रहेको कुरा स्पष्ट हुन्छ । उनीहरूले ठूली देखिने प्रयास मात्र होइन सोहीअनुरूप क्षमताको पनि विकास गर्नुपर्ने कुरा बुझ्छन् । संस्कारका थुप्रै बाटा वा विकल्प उनीहरूका सामु खुल्ला छन् तर उनीहरूले सही बाटो पहिचान गरी कदम चाल्नुपर्छ । यसका लागि अभिभावकहरूको भूमिका महत्वपूर्ण हुन्छ ।

Read More

सिन्धुपाल्चोक जुरे घटनाको पिडा प्रमिलाको गीतबाट व्यक्त (भिडियोसहित)

काठमाडौं, मंसीर २४ – २०७१ साल श्रावण १६ गते सिन्धुपाल्चोको जुरेमा त्यहाँका बासिन्दाहरुले अकल्पनीय घटनाको सामना गर्नु पर्यो ।

मध्यरातको समयमा उर्लेर आएको बाढी र पहिरोले धेरै गाउँलेहरुको धनजनको क्षति गर्यो । कयौं स्थानीयहरु घरबारबिहिन भए भने कतिले आफन्तहरु गुमाउनु पर्यो । कयौं बेपत्ताहरुको श्वासलास समेत पनि प्राप्त गर्न सकिएन । अत्यन्त हृदयविदारक घटना घटित भएको थियो त्यस रात सिन्धुपाल्चोको जुरेमा । सम्झँदा गाउँवासीहरुको अहिले पनि जिउ नै सिरिंङ्ग गर्दो हो ।



यसै सत्यतथ्य घटनालाई गायिका प्रमिला तामाङले गीतको माध्यमद्वारा पुनः त्यस घटनाको स्मरण गर्न खोजेकी छिन् ।   गीतको शब्द केन्जीङ् तामाङले सृजना गरेका छन् । किन बस्छौं ।।।।।बोलको यस गीतलाई इन्द्र आशीले संगीतबद्ध गरेका हुन् । अजय रेग्मीको छायाँकनमा यस म्युजिक भिडियोको निर्देशन र सम्पादन डेकोन पिक्चरका क्रान्ति केसीले गरेका छन् । त्यन्त मार्मिक र घटना स्थलमा नै छायाँकन गरिएको यस म्युजिक भिडियोमा प्रकाश र राशीले अभिनय गरेका छन् ।

Read More

जिब्रोले बताइदिन्छ जिउको रोग (थाहापाई राख्नुहोस्!)

पेट दुखेको होस् वा टाउको अथवा अन्य कुनै रोगको उपचारका लागि डाक्टरकहाँ जाँदा डाक्टरले चेकजाँचका क्रममा मुख आँ… गर्न लगाएर जिब्रो बाहिर निकाल्न अह्राउने र हाम्रो जिब्रो मज्जाले हेर्ने गरेको अनुभव तपाइँ हामीले गरेकै छौँ ।

पेट दुखेर जँचाउन गएको बेला डाक्टरले किन जिब्रो हेरेका होलान् ? भन्ने प्रश्न सहजै उठ्ने गर्छ । जिब्रोको मुख्य काम स्वाद थाहा पाउने हो । पञ्च ज्ञानेन्द्रीय मध्येको एक जिब्रो यत्तिमा मात्र सिमित भने छैन ।
जिब्रोले विभिन्न स्वास्थ्य समस्याको बारेमा जानकारी समेत दिन्छ । जिब्रोको अवस्था हेरेर जिउमा भएका केही रोग तथा स्वास्थ्य समस्या थाहा पाउन सकिन्छ ।

खोकी, ज्वरो, जण्डिस, टाउको तथा पेट दुख्ने जस्ता समस्याहरु जिब्रोको अवस्था हेरेरै पत्ता लगाउन सकिन्छ भने  र जिब्रोको अवस्थाले डाक्टरहरुलाई रोगको निदान गर्न सहयोग पूराउँछ ।
स्वस्थ मानिसको स्वस्थ जिब्रोको रङ गुलाबी हुनुका साथै जिब्रो सफा तथा स-साना स्वाद टुसाहरु (प्यापिली) ले भरिएको हुन्छ ।

डढेको जस्तो, रातो, कालो वा सेतो रंगको जिब्रो हुनु मुखमा ढुसी वा ब्याक्टेरियाको संक्रमण भएको लक्षणको रुपमा लिइन्छ भने एलर्जीका कारण जिब्रो सुन्निएको हुन्छ ।

लामो समयसम्म एन्टिबायोटिक औषधि सेवन गरेका मानिसहरु तथा एचआइभी संक्रमित मानिसहरु जसको मुखमा ढुर्सीको संक्रमण भएको हुन्छ उनीहरुको जिब्रो कालो तथा रंगहीन हुन्छ ।
जिब्रोको सतहमा लामो गहिरो धर्साहरु हुनु भिरिंगी जस्ता यौन संक्रामक रोगको लक्षण हुनसक्ने विज्ञहरुको भनाइ छ ।

जिब्रोमा घाउहरु हुनु पेटको जटिल रोग ‘क्रोहन डिजिज’को लक्षण हो ।
स्वाद कोशिका कम भएको चिल्लो जिब्रो ले सरीरमा भिटामिन बी १२, फलाम तत्व तथा फोलेट कम भएकेा र रक्तअल्पताको संकेत गर्छ ।

बेलायतको क्यान्सर रिसर्च संस्थाका अनुसार जिब्रोमा जिब्रोमा गाँठागुठी हुनु तथा जिब्रोबाट धेरै रगत आउनु मुखको क्यान्सरको लक्षण हुनसक्छ ।

Read More